కూతురు ఉంటే బాగుండేది!

‘హాయ్‌ నాన్న’ సినిమాలో నటిస్తున్నప్పటి నుంచి తనకు ఓ కూతురు ఉంటే బాగుండేదనిపిస్తున్నదని హీరో నాని అన్నారు. ఆయన తాజా చిత్రం ‘హాయ్‌ నాన్న’ తండ్రీకూతుళ్ల అనుబంధం నేపథ్యంలో తెరకెక్కుతున్న విషయం తెలిసిందే. శౌర్యువ్‌ దర్శకుడు. డిసెంబర్‌ 7న ప్రేక్షకుల ముందుకురానుంది.

‘హాయ్‌ నాన్న’ సినిమాలో నటిస్తున్నప్పటి నుంచి తనకు ఓ కూతురు ఉంటే బాగుండేదనిపిస్తున్నదని హీరో నాని అన్నారు. ఆయన తాజా చిత్రం ‘హాయ్‌ నాన్న’ తండ్రీకూతుళ్ల అనుబంధం నేపథ్యంలో తెరకెక్కుతున్న విషయం తెలిసిందే. శౌర్యువ్‌ దర్శకుడు. డిసెంబర్‌ 7న ప్రేక్షకుల ముందుకురానుంది. ఈ నేపథ్యంలో ప్రచార కార్యక్రమాలను వేగవంతం చేశారు. ఇటీవల విడుదలైన ‘అమ్మాడి’ అనే పాటకు మంచి స్పందన లభించింది.

ఈ సందర్భంగా ఇచ్చిన ఓ ఇంటర్వ్యూలో తనకు కూతురు ఉంటే బాగుండేదనే అభిలాషను వ్యక్తం చేశారు నాని. ఆయన మాట్లాడుతూ ‘ఇంతకుముందు కూడా నాన్న పాత్రలో నటించాను. కానీ ఈ సినిమా ఎందుకో నా హృదయానికి దగ్గరైంది. ఆడపిల్ల తండ్రి తాలూకు ఉద్వేగాలు ఏమిటో అర్థం చేసుకున్నా. నాకు మొదటి నుంచి ఆడపిల్లలంటే ఇష్టం. ఈ సినిమాలో నటించడం మొదలుపెట్టాక ఆ ఇష్టం మరింత పెరిగిపోయింది. ఇప్పుడు నాకు ఓ కూతురు ఉంటే బాగుండేది కదా అనిపిస్తున్నది’ అని చెప్పారు నాని.