Nani31 | గతేడాది విడుదలైన అంటే సుందరానికీ ఎంత పెద్ద డిజాస్టర్ అయిందో ప్రత్యేకించి చెప్పనవసరం లేదు. తొలిరోజే డివైడ్ టాక్ తెచ్చుకున్న ఈ సినిమా పబ్లిసిటీ ఖర్చులు కూడా వెనక్కి తీసుకురాలేపోయింది. నిజానికి ఈ సినిమా చాలా మందికి నచ్చింది. స్టోరీగాని, స్క్రీన్ ప్లే చాలా ఫ్రెష్ గా ఉంటుంది. అయితే రిలీజ్ టైమ్ బాలేకో, అదృష్టం కలిసిరాలేకో ఈ సినిమా కమర్షియల్ ఫేయిల్యూర్ గా మిగిలిపోయింది. కాగా ఫలితం ఎలా ఉన్నా నాని మాత్రం వివేక్ పై ఉన్న నమ్మకంతో మరో సినిమాకు గ్రీన్ సిగ్నల్ ఇచ్చాడు. దసరా సినిమా తెచ్చిన ఉత్సాహంతో నాని తన తదుపరి సినిమా హాయ్నాన్న షూటింగ్ శరవేగంగా పూర్తి చేస్తున్నాడు. శౌర్యువ్ దర్శకుడిగా పరిచయమవుతూ తెరకెక్కిస్తున్న ఈ సినిమా డిసెంబర్ 7న రిలీజ్ కాబోతుంది.
ఇది సెట్స్పైన ఉండగానే వివేక్తో మరో సినిమాను పట్టాలెక్కించాడు. ప్రస్తుతం ఈ సినిమా ప్రీ ప్రొడక్షన్ పనులు జరుపుకుంటుంది. కాగా తాజాగా ఈ సినిమాకు సంబంధించిన క్రేజీ అప్డేట్ను మేకర్స్ వెల్లడించారు. ఈ సినిమా లాంచింగ్ కార్యక్రమాలు దసరా పండగ రోజు జరుపుతున్నట్లు మేకర్స్ వెల్లడించారు. అదే రోజున ఫస్ట్లుక్ పోస్టర్ కూడా రిలీజ్ కానుంది. ఆర్ఆర్ఆర్ వంటి ఇండస్ట్రీ హిట్ సినిమాను నిర్మించిన దానయ్య ఈ సినిమాను నిర్మిస్తున్నాడు. ఇక దర్శకుడు ఆత్రేయా ఈ సినిమాను యాక్షన్ జానర్లో తెరకెక్కిస్తున్నాడు. ఇప్పటి వరకు వివేక్ నుంచి ఇలాంటి జోనర్లో సినిమా రాలేదు. క్లాస్ పేరున్న వివేక్ మాస్ కథను హ్యాండిల్ చేస్తాడా అనే డౌట్ కూడా చాలా మందిలో ఉంది.
#Nani31 it is… 🔥🔥
The most lovable combo of our Natural Star @NameisNani & #VivekAthreya is back. ❤️🤗
UNCHAINED on Oct 23rd.
Muhurtham is on Oct 24th.Get ready to witness thrills, chills, and fun. pic.twitter.com/e4ZhM0yWyx
— DVV Entertainment (@DVVMovies) October 21, 2023