Nani-Vivek athreya | గతేడాది విడుదలైన అంటే సుందరానికీ ఎంత పెద్ద డిజాస్టర్ అయిందో ప్రత్యేకించి చెప్పనవసరం లేదు. తొలిరోజే డివైడ్ టాక్ తెచ్చుకున్న ఈ సినిమా పబ్లిసిటీ ఖర్చులు కూడా వెనక్కి తీసుకురాలేపోయింది. నిజానికి ఈ సినిమా చాలా మందికి నచ్చింది. స్టోరీగాని, స్క్రీన్ ప్లే చాలా ఫ్రెష్ గా ఉంటుంది. అయితే రిలీజ్ టైమ్ బాలేకో, అదృష్టం కలిసిరాలేకో ఈ సినిమా కమర్షియల్ ఫేయిల్యూర్ గా మిగిలిపోయింది. కాగా ఫలితం ఎలా ఉన్నా నాని మాత్రం వివేక్ పై ఉన్న నమ్మకంతో మరో సినిమాకు గ్రీన్ సిగ్నల్ ఇచ్చాడు. దసరా సినిమా తెచ్చిన ఉత్సాహంతో నాని తన తదుపరి సినిమాను శరవేగంగా పూర్తి చేస్తున్నాడు. నాని30 టైటిల్ పేరుతో తెరకెక్కుతున్న ఈ సినిమాకు శౌర్యవ్ దర్శకత్వం వహిస్తున్నాడు.
ఇక ఈ సినిమా పూర్తి కాగానే వివేక్ తో సినిమా స్టార్ట్ చేయబోతున్నాడు. ఇప్పటికే ప్రీ ప్రొడక్షన్ పనులు ఫుల్ స్వింగ్ లో జరుగుతున్నాయి. రేపో మాపో సెట్స్ మీదకు కూడా వెళ్లనుంది. ఇక ఇదిలా ఉంటే తాజాగా ఈ సినిమాకు సంబంధించిన బిగ్ అప్డేట్ ను దర్శకుడు వివేక్ ఆత్రేయా తెలిపాడు. ఈ సినిమా యాక్షన్ థ్రిల్లర్ నేపథ్యంలో తెరకెక్కబోతున్నట్లు వెల్లడించాడు. ఇప్పటి వరకు వివేక్ నుంచి ఇలాంటి జోనర్లో సినిమా రాలేదు. క్లాస్ పేరున్న వివేక్ మాస్ కథను హ్యాండిల్ చేస్తాడా అనే డౌట్ కూడా చాలా మందిలో ఉంది. ఇక దసరాతో నాని తిరుగులేని కంబ్యాక్ ఇచ్చాడు. రూరల్ విలేజ్ బ్యాక్ డ్రాప్ లో తెరకెక్కిన ఈ రా యాక్షన్ సినిమా బాక్సాఫీస్ దగ్గర కోట్లు కొల్లగొట్టింది. నానిని వంద కోట్ల క్లబ్ లో నిలబెట్టింది.