కృష్ణ, వ్రిందల ప్రేమాయణం

నాగశౌర్య కథానాయకుడిగా నటిస్తున్న సినిమా ‘కృష్ణ వ్రింద విహారి’. ఈ చిత్రంలో షెర్లీ సెటియా నాయికగా నటిస్తున్నది. ఐరా క్రియేషన్స్‌ సంస్థ నిర్మిస్తున్నది. ఉషా ముల్పూరి నిర్మాత. రొమాంటిక్‌ కామెడీ ఎంటర్‌టైనర్‌ కథతో దర్శకుడు అనీష్‌ ఆర్‌ కృష్ణ రూపొందిస్తున్నారు. అన్ని కార్యక్రమాలు పూర్తి చేసుకున్న ఈ సినిమా ఏప్రిల్‌ 22న విడుదల

నాగశౌర్య కథానాయకుడిగా నటిస్తున్న సినిమా ‘కృష్ణ వ్రింద విహారి’. ఈ చిత్రంలో షెర్లీ సెటియా నాయికగా నటిస్తున్నది. ఐరా క్రియేషన్స్‌ సంస్థ నిర్మిస్తున్నది. ఉషా ముల్పూరి నిర్మాత. రొమాంటిక్‌ కామెడీ ఎంటర్‌టైనర్‌ కథతో దర్శకుడు అనీష్‌ ఆర్‌ కృష్ణ రూపొందిస్తున్నారు. అన్ని కార్యక్రమాలు పూర్తి చేసుకున్న ఈ సినిమా ఏప్రిల్‌ 22న విడుదలకు సిద్ధమవుతున్నది. ఈ నేపథ్యంలో సినిమా టీజర్‌ విడుదల కార్యక్రమాన్ని హైదరాబాద్‌లో నిర్వహించారు. దర్శకుడు అనిల్‌ రావిపూడి టీజర్‌ను విడుదల చేశారు. అనంతరం ఆయన మాట్లాడుతూ..‘ఐరా క్రియేషన్స్‌ మంచి సినిమాలు చేయాలని నిత్యం ప్రయత్నిస్తూ ఉంటుంది. టీజర్‌ బాగుంది. నాగశౌర్య కష్టపడి హీరోగా పేరు తెచ్చుకున్నాడు. ఈ సినిమాతో అతను మరింత ఉన్నత స్థాయికి ఎదగాలని కోరుకుంటున్నా’ అన్నారు. హీరో నాగశౌర్య మాట్లాడుతూ…‘రొమాంటిక్‌ ఎంటర్‌టైనర్‌ చిత్రమిది. ప్రతి సీన్‌ అందరికీ నచ్చేంత వరకు కావాల్సినంత సమయం తీసుకుని రూపొందించాం. గతంలో రీషూట్‌ చేస్తే అదో తప్పుగా భావించేవాళ్లు. ఇప్పుడు సినిమా బాగా వచ్చేందుకు రీషూట్స్‌ చేసుకుంటున్నాం. మా అమ్మ ఈ సినిమాకు నిర్మాత. ఖర్చు గురించి ఆలోచించకుండా క్వాలిటీగా సినిమా నిర్మించింది. ఆడవారితో సత్సంబంధాలు ఉండాలని కోరుకునే యువకుడిగా కనిపిస్తాను. హీరో క్యారెక్టరైజేషన్‌లోనే వినోదం ఉంటుంది. షెర్లీ నాయికగా మంచి పేరు తెచ్చుకుంటుందనే నమ్మకం ఉంది’ అన్నారు. ‘సినిమాలో రొమాన్స్‌తో పాటు మంచి కామెడీ ఉంటుంది. టీజర్‌లో కృష్ణ, వ్రింద ప్రేమ మిమ్మల్ని ఆకట్టుకుందని ఆశిస్తున్నాం’ అని దర్శకుడు అనీష్‌ ఆర్‌ కృష్ణ అన్నారు.