మిస్ట‌ర్ ప‌ర్‌ఫెక్ట్‌గా నాగ‌చైత‌న్య‌..వైర‌ల్ అవుతున్న న్యూలుక్..

Nagachaitanya | అక్కినేని వార‌సుడిగా ఎంట్రీ ఇచ్చి ఇండ‌స్ట్రీలో త‌న న‌ట‌న‌తో అభిన‌యంతో మంచి ఫ్యాన్ ఫాలోయింగ్‌ను సంపాదించుకున్న న‌టుడు యువ‌సామ్రాట్ అక్కినేని నాగచైత‌న్య‌. రొటీన్‌కు భిన్నంగా క‌థ‌ల‌ను ఎంచుకుంటూ సినీరంగంలో దూసుకుపోతున్నాడు. గ‌తేడాది ల‌వ్‌స్టోరితో వ‌చ్చి సూప‌ర్ హిట్ కొట్టిన నాగ‌చైత‌న్య ఈ ఏడాది బంగార్రాజుతో క‌లెక్ష‌న్ల‌ జోరును చూపిస్తున్నాడు. వ‌రుసగా రెండు హిట్ల‌ను సొంతం చేసుకున్న నాగ‌చైత‌న్య థాంక్యూ మూవీతో హ్య‌ట్రిక్ కొట్టాల‌ని చూస్తున్నాడు. ప్ర‌స్తుతం థాంక్యూ మూవీ షూటింగ్ ర‌ష్యాలోని మాస్కోలో జ‌రుగుతుంది. మాస్కోలోని మంచు క‌ట్టిన వీధుల్లో ఈ చిత్రానికి సంబంధించిన కీల‌క ఘ‌ట్టాల‌ను చిత్రీక‌రిస్తున్నారు. గ‌డ్డ క‌ట్టే చ‌లిలో షూటింగ్‌ను జ‌రుపుకుంటున్న‌ట్టు గ‌త‌వారం రాశీఖ‌న్నా త‌న ఇన్‌స్టాగ్రామ్‌లో ఫోటోల‌ను షేర్‌ చేసింది. అయితే తాజాగా నాగ చైత‌న్య కూడా ఓ ఫోటోను ఇన్‌స్టాగ్రామ్ వేదిక‌గా వేదిక‌గా పంచుకున్నాడు. ఇందులో నాగ‌చైత‌న్య స‌రికొత్త మేకోవ‌ర్‌తో క‌ళ్ల‌జోడు ధ‌రించి మిస్ట‌ర్ ప‌ర్‌ఫెక్ట్‌గా క‌నిపిస్తున్నాడు. ఈ ఫోటోని ప్రముఖ సినిమాటోగ్రాఫ‌ర్ పీసీ శ్రీరామ్ క్లిక్ మ‌నిపించాడ‌ట‌.

విక్ర‌మ్ కే కుమార్ ద‌ర్శ‌క‌త్వం వ‌హిస్తున్న థ్యాంక్యూ చిత్రాన్ని శ్రీవెంక‌టేశ్వ‌ర‌ క్రియేష‌న్స్ బ్యాన‌ర్‌పై దిల్‌రాజు, శిరీష్‌లు నిర్మిస్తున్నారు. రాశీఖ‌న్నా, అవికా గోర్, మాళ‌విక నాయ‌ర్‌లు హీరోయిన్లుగా న‌టిస్తున్నారు. థ‌మ‌న్ ఈ చిత్రానికి సంగీతం అందిస్తున్నాడు. ఇందులో నాగ‌చైత‌న్య మ‌హేశ్ బాబుకు వీరాభిమానిగా న‌టించ‌నున్నాడు. ఇప్ప‌టికే చిత్ర బృందం విడుద‌ల చేసిన ప్ర‌చార చిత్రాలు టీజ‌ర్ ప్రేక్ష‌కుల‌ను ఆక‌ట్టుకుంటున్నాయి.