Nagachaitanya-Raashi Khanna | ‘థాంక్యూ’ సెట్‌లో రాశిఖ‌న్నా, నాగ‌చైత‌న్య‌.. వైర‌ల్ అవుతున్న ఫోటో

Nagachaitanya-Raashi Khanna Photo | అక్కినేని వార‌సుడిగా ఎంట్రీ ఇచ్చి ఇండ‌స్ట్రీలో త‌న న‌ట‌న‌, అభిన‌యంతో ప్ర‌త్యేక గుర్తింపును తెచ్చుకున్న న‌టుడు నాగ‌చైత‌న్య‌. రొటీన్‌కు భిన్నంగా క‌థ‌ల‌ను ఎంచుకుంటూ సినీరంగంలో దూసుకుపోతున్నాడు. గ‌తేడాది ‘ల‌వ్‌స్టోరి’తో వ‌చ్చి సూప‌ర్ హిట్ సాధించిన‌ నాగ‌చైత‌న్య ఈ ఏడాది ‘బంగార్రాజు’తో సంక్రాంతి విన్న‌ర్‌గా నిలిచాడు. రెండు వ‌రుస విజ‌యాల‌తో నాగ‌చైతన్య టైర్‌2 హీరోల‌లో టాప్ ప్లేస్‌లో నిలిచాడు. ప్ర‌స్తుతం ఈయ‌న న‌టించిన చిత్రం ‘థాంక్యూ’. విక్ర‌మ్ కే కుమార్ ద‌ర్శ‌క‌త్వం వ‌హించిన ఈ చిత్రంలో రాశిఖ‌న్నా హీరోయిన్‌గా న‌టించింది.

తాజాగా ఈ చిత్రం నుంచి నాగ‌చైత‌న్య‌, రాశిఖ‌న్నా క‌లిసి ఉన్న ఫోటోను మేక‌ర్స్ విడుద‌ల చేశారు. ఈ ఫోటోలో నాగ‌చైత‌న్య ఫోన్ చూస్తుండ‌గా.. రాశిఖ‌న్నా ఎవ‌రితోనో సంభాషిస్తున్న‌ట్లు ఉంది. ప్ర‌స్తుతం ఈ ఫోటో నెట్టింట వైర‌ల్‌గా మారింది. ఈ చిత్రంలో నాగ‌చైత‌న్య హ‌కీ ప్లేయ‌ర్‌గా క‌నిపించ‌నున్నాడు. ఈ చిత్రాన్ని వెంక‌టేశ్వ‌రా క్రియేష‌న్స్ బ్యాన‌ర్‌పై దిల్‌రాజు, శిరీష్‌లు నిర్మించారు. అవికాగోర్, మాళ‌వికా నాయ‌ర్‌లు కీల‌క‌పాత్ర‌లో న‌టించ‌నున్నారు. ప్ర‌స్తుతం నాగ‌చైత‌న్య, విక్ర‌మ్ కే కుమార్ ద‌ర్శ‌క‌త్వంలోనే ‘ధూత’ అనే వెబ్‌సిరీస్‌లో న‌టిస్తున్నాడు. ఇటీవ‌లే ఈ వెబ్ సిరీస్ షూటింగ్ ప్రారంభ‌మైంది.

Yuva Samrat @chay_akkineni & @RaashiiKhanna_ from the sets of #ThankYouTheMovie #Nagachaitanya #RaashiKhanna pic.twitter.com/aHZ8Z2A7y0

— BA Raju's Team (@baraju_SuperHit) April 25, 2022