Visit:
నాగ ప్రణవ్‌, కావేరి కర్ణిక, ఆద్య రెడ్డి ప్రధాన పాత్రలు పోషిస్తున్న ప్రేమకథాచిత్రం ‘ఓ చెలియా..’. ఎం.నాగరాజశేఖర్‌రెడ్డి దర్శకుడు. రూపాశ్రీ కొపురు నిర్మాత. నిర్మాణంలో ఉన్న ఈ సినిమా త్వరలో విడుదల కానున్నది. ఇప్పటికే ఈ సినిమా ప్రచార చిత్రాలకు మంచి స్పందన వస్తున్నదని మేకర్స్‌ చెబుతున్నారు. ప్రచారంలో భాగంగా ఈ సినిమా నుంచి మరో మెలొడీని మేకర్స్‌ విడుదల చేశారు.
‘కొంచెం కొంచెంగా..’ అంటూ సాగే ఈ పాటను హీరో నవీన్‌చంద్ర ఆవిష్కరించి చిత్రబృందానికి శుభాకాంక్షలు అందించారు. సుధీర్‌ బాగడి ఈ పాట రాయగా, ఎం.ఎం.కుమార్‌ స్వరపరిచారు. వాగ్దేవి, మనోజ్‌ ఆలపించారు. హీరోహీరోయిన్ల మధ్య గాఢమైన ప్రేమను ఆవిష్కరించేలా ఈ పాట సాహిత్యం, సంగీతం సాగింది. ఈ చిత్రానికి కెమెరా: సురేష్‌ బాలా, నిర్మాణం: ఎస్‌ఆర్‌ఎస్‌ క్రియేషన్స్‌, ఇందిరాదేవి ప్రొడక్షన్స్‌.
