Naga Babu | మంచు మోహన్బాబు తనను, తన కుల వృత్తిని అసభ్యపదజాలంతో దూషించాడని, తిరిగి తననే తప్పుడు కేసులో ఇరికించాడంటూ ఆరోపించిన హెయిర్ డ్రెస్సర్ నాగశ్రీనుకు మెగా బ్రదర్ నాగబాబు సహాయం చేశాడు. కొన్ని రోజుల ముందు ఐదు లక్షల విలువ చేసే మేకప్, హేయిర్ డ్రెస్సింగ్ సామాను దొంగిలించాడంటూ నాగశ్రీను పై మంచు విష్ణు కేసు పెట్టిన విషయం తెలిసిందే. ఈ కేసుపై నాగశ్రీను స్పందించి మొహన్ బాబు దగ్గర గత పది సంత్సరాలనుండి పనిచేస్తున్నానని, అయన నన్ను, నా తల్లిని, నా కులాన్ని అసభ్యంగా తిట్టాడంటూ ఓ సెల్ఫీ వీడియోను సోషల్ మీడియాలో పోస్ట్ చేశాడు.
నాగశ్రీను తన తల్లి బ్రెయిన్ స్ట్రోక్తో హాస్పిటల్లో ఉందని, తనకు జీతం కూడా రాలేదని డబ్బులకు ఇబ్బందిగా ఉందని కూడా వెల్లడించాడు. దానికి స్పందించిన మెగా బ్రదర్ నాగబాబు ఆర్థిక సహాయంగా 50వేల రూపాయల చెక్ను నాగశ్రీనుకు ఇచ్చాడు. అంతేకాకుండా వారికి అపోలో ఆస్పత్రిలో మెడికల్ చెకప్ చేయించాడు. ఇప్పటికే మెగా ఫ్యామిలీకి మంచు ఫ్యామిలీకి మధ్య వివాదాలు నడుస్తున్నాయి. ఇక ఇప్పుడు ఏకంగా నాగబాబు సహాయం చేయడం చర్చనీయాంశంగా మారింది.