Multi Starrer | 40 ఏళ్ల నిరీక్షణకు తెర పడనుందా .. రజినీకాంత్–కమల్ హాసన్‌తో నెల్సన్ భారీ మల్టీస్టారర్!

Multi Starrer | సినిమా ప్రపంచంలో మల్టీస్టారర్ చిత్రాలకు ఉండే క్రేజ్‌ ప్రత్యేకం. అందులోనూ సూపర్‌స్టార్ రజినీకాంత్, విశ్వనటుడు కమల్ హాసన్ కలిసి నటిస్తే అభిమానుల ఆనందానికి హద్దులుండవు. దశాబ్దాలుగా తమదైన నటన, ప్రత్యేక శైలితో ప్రేక్షకులను అలరిస్తున్న ఈ ఇద్దరు దిగ్గజ నటులు మరోసారి ఒకే తెరపై కనిపించబోతున్నారనే వార్త ఇప్పుడు సినీ వర్గాల్లో ఆసక్తిని పెంచుతోంది.

Multi Starrer | సినిమా ప్రపంచంలో మల్టీస్టారర్ చిత్రాలకు ఉండే క్రేజ్‌ ప్రత్యేకం. అందులోనూ సూపర్‌స్టార్ రజినీకాంత్, విశ్వనటుడు కమల్ హాసన్ కలిసి నటిస్తే అభిమానుల ఆనందానికి హద్దులుండవు. దశాబ్దాలుగా తమదైన నటన, ప్రత్యేక శైలితో ప్రేక్షకులను అలరిస్తున్న ఈ ఇద్దరు దిగ్గజ నటులు మరోసారి ఒకే తెరపై కనిపించబోతున్నారనే వార్త ఇప్పుడు సినీ వర్గాల్లో ఆసక్తిని పెంచుతోంది. ఈ ప్రతిష్ఠాత్మక ప్రాజెక్టుకు దర్శకుడు నెల్సన్ దిలీప్‌కుమార్ పేరు వినిపిస్తుండటంతో అభిమానుల్లో అంచనాలు మరింత పెరిగాయి. కాగా, రజినీకాంత్, కమల్ హాసన్‌లకు తమిళ చిత్ర పరిశ్రమలో సుదీర్ఘమైన అనుబంధం ఉంది. 1975లో విడుదలైన ‘అపూర్వ రాగంగళ్’తో రజినీకాంత్ వెండితెరకు పరిచయమయ్యారు. ఆ తర్వాత ‘అంతులేని కథ’, ‘మూండ్రు ముడిచు’, ‘16 వయతినిలే’, ‘అవర్గళ్’, ‘ఇళమై ఊంజలాడుకిరతు’ వంటి పలు చిత్రాల్లో వీరిద్దరూ కలిసి నటించారు. కొన్ని సినిమాల్లో ఒకరు మరొకరి చిత్రంలో ప్రత్యేక పాత్రల్లోనూ కనిపించారు.

కాలక్రమేణా ఇద్దరూ తమకంటూ ప్రత్యేకమైన అభిమానగణాన్ని సంపాదించుకున్నారు. రజినీకాంత్ తనదైన శైలి, తెరపై వినూత్నమైన అభినయంతో ప్రేక్షకులను అలరిస్తే.. కమల్ హాసన్ వైవిధ్యమైన పాత్రలు, ప్రయోగాత్మక చిత్రాలతో ప్రత్యేక గుర్తింపు తెచ్చుకున్నారు. అయితే ఇద్దరూ కలిసి పూర్తిస్థాయిలో నటించే అవకాశం కోసం అభిమానులు చాలాకాలంగా ఎదురుచూస్తున్నారు. ‘జైలర్’తో భారీ విజయాన్ని అందుకున్న దర్శకుడు నెల్సన్ దిలీప్‌కుమార్ ఈ ఇద్దరు దిగ్గజాలను ఒకే సినిమాలో చూపించనున్నారనే వార్త ఇప్పుడు చర్చనీయాంశమైంది. రజినీకాంత్‌కు ఉన్న మాస్ ఇమేజ్‌తో పాటు కమల్ హాసన్ నటనా ప్రతిభను కలిపి ఒక ఆసక్తికరమైన కథను రూపొందించనున్నట్లు సినీ వర్గాల్లో ప్రచారం జరుగుతోంది.

నెల్సన్‌కు ఉన్న ప్రత్యేకమైన హాస్య శైలి, విభిన్నంగా పాత్ర‌లు చిత్రీక‌రించ‌డం, ఆసక్తికరమైన కథనం ఈ ప్రాజెక్టులోనూ కనిపిస్తాయా అనే ఆసక్తి అభిమానుల్లో నెలకొంది. అయితే సినిమా కథ, ఇద్దరు నటుల పాత్రలు, నిర్మాణ సంస్థ వంటి వివరాలపై స్పష్టత రావాల్సి ఉంది. ఈ భారీ మల్టీస్టారర్‌కు సంబంధించిన చిత్రీకరణ వచ్చే నెలలో ప్రారంభం కావచ్చని కొన్ని నివేదికలు పేర్కొంటున్నాయి. కమల్ హాసన్ ఇతర ప్రాజెక్టులతో బిజీగా ఉండటంతో ఆయన డిసెంబర్‌లో సెట్స్‌లోకి అడుగుపెట్టే అవకాశం ఉందని ప్రచారం జరుగుతోంది. అయితే ఈ తేదీలపై చిత్రబృందం నుంచి అధికారిక ప్రకటన వెలువడలేదు. మరోవైపు రజినీకాంత్, కమల్ హాసన్‌ల మధ్య తెరపై మరోసారి భాగస్వామ్యం కుదరనుందనే వార్తే అభిమానుల్లో ఉత్సాహాన్ని నింపుతోంది. ఈ ప్రాజెక్టు నిజమైతే తమిళ చిత్ర పరిశ్రమలోనే కాకుండా దేశవ్యాప్తంగా భారీ అంచనాలు ఏర్పడే అవకాశం ఉంది.