The Greatest Trailer | బాక్సింగ్ దిగ్గ‌జం మొహమ్మద్ అలీ బయోపిక్.. ‘ది గ్రేటెస్ట్’ ట్రైల‌ర్‌ విడుద‌ల

The Greatest Trailer | బాక్సింగ్ ప్రపంచంలో చరిత్ర సృష్టించిన దిగ్గజం మొహమ్మద్ అలీ జీవిత కథ ఆధారంగా తెరకెక్కుతున్న ప్రతిష్టాత్మక బయోపిక్ వెబ్ సిరీస్ 'ది గ్రేటెస్ట్' (The Greatest).

The Greatest Trailer | బాక్సింగ్ ప్రపంచంలో చరిత్ర సృష్టించిన దిగ్గజం మొహమ్మద్ అలీ జీవిత కథ ఆధారంగా తెరకెక్కుతున్న ప్రతిష్టాత్మక బయోపిక్ వెబ్ సిరీస్ ‘ది గ్రేటెస్ట్’ (The Greatest). ఈ వెబ్ సిరీస్ అమెజాన్ ప్రైమ్ వీడియో వేదిక‌గా న‌వంబ‌ర్ 04 నుంచి స్ట్రీమింగ్ కాబోతుండ‌గా తాజాగా ట్రైల‌ర్‌ను చిత్ర‌బృందం విడుద‌ల చేసింది. హాలీవుడ్ ప్రముఖ నటుడు, ‘క్రీడ్’ చిత్రాల ఫేమ్ మైఖేల్ బి. జోర్డాన్ ఈ సినిమాకు ఎగ్జిక్యూటివ్ ప్రొడ్యూసర్‌గా వ్యవహరిస్తున్నాడు.

మొహమ్మద్ అలీ కుటుంబ సభ్యులు, ముఖ్యంగా ఆయన భార్య లోనీ అలీ అధికారిక అనుమతితో రూపొందుతున్న మొట్టమొదటి స్క్రిప్టెడ్ సిరీస్ కావడంతో దీనిపై భారీ అంచనాలు నెలకొన్నాయి. ఈ సిరీస్‌లో అలీ (కాసియస్ క్లే) ప్రధాన పాత్రను యువ నటుడు జాలెన్ బెస్ట్ పోషిస్తుండగా, మైఖేల్ ఈలీ (మాల్కం ఎక్స్ పాత్రలో), ఒమారి హార్డ్‌విక్, అమిన్ జోసెఫ్ ఇతర కీలక పాత్రల్లో నటిస్తున్నారు. బెన్ వాట్కిన్స్ షోరన్నర్‌గా వ్యవహరిస్తున్న ఈ సిరీస్ కేవలం బాక్సింగ్ రింగ్‌లోని విజయాలనే కాకుండా, 1960లో ఒలింపిక్ గోల్డ్ మెడల్ సాధించినప్పటి నుండి 1964లో వరల్డ్ హెవీవెయిట్ ఛాంపియన్‌గా ఎదిగే వరకు ఆయన సాగించిన ప్రయాణాన్ని, వ్యక్తిగత జీవితాన్ని, సామాజిక పోరాటాలను కళ్ళకు కట్టినట్లు చూపించబోతోంది.