Mrithyunjay Movie | మర్డర్ మిస్టరీతో వస్తున్న శ్రీవిష్ణు.. రాజమౌళి చేతుల మీదుగా ‘మృత్యుంజయ్’ టీజర్ లాంచ్

Mrithyunjay Teaser | టాలీవుడ్ వెర్సటైల్ యాక్టర్ శ్రీవిష్ణు కథానాయకుడిగా నటిస్తున్న సరికొత్త ఇన్వెస్టిగేటివ్ థ్రిల్లర్ 'మృత్యుంజయ్‌'.

Mrithyunjay Movie | టాలీవుడ్ వెర్సటైల్ యాక్టర్ శ్రీవిష్ణు కథానాయకుడిగా నటిస్తున్న సరికొత్త ఇన్వెస్టిగేటివ్ థ్రిల్లర్ ‘మృత్యుంజయ్‌’. ఈ చిత్రం ఫిబ్ర‌వ‌రి 27న ప్రేక్ష‌కుల ముందుకు రాబోతుండగా.. టీజ‌ర్‌ను విడుద‌ల చేసింది చిత్ర‌యూనిట్. ఈ గ్రిప్పింగ్ టీజర్‌ను ప్రముఖ దర్శకుడు ఎస్.ఎస్. రాజమౌళి విడుదల చేసి, చిత్ర యూనిట్‌కు అభినందనలు తెలియజేశారు. ఒక స‌స్పెన్స్‌తో కూడిన‌ మర్డర్ కేసును ఛేదించే పవర్‌ఫుల్ పోలీస్ ఆఫీసర్‌గా శ్రీవిష్ణు ఈ చిత్రంలో కనిపించనుండగా, అందరూ ప్రమాదంగా భావించే ఒక ఘటన వెనుక ఉన్న నిజాన్ని హీరో ఎలా వెలికితీశారనే ఉత్కంఠభరితమైన కథాంశంతో ఈ సినిమా తెరకెక్కింది.

సుకుమార్ శిష్యుడు హుస్సేన్ షా కిరణ్ దర్శకత్వంలో రూపొందుతున్న ఈ చిత్రంలో, శ్రీవిష్ణు సరసన ‘సామజవరగమన’ ఫేమ్ రెబా మోనికా జాన్ హీరోయిన్‌గా నటిస్తోంది. కాలభైరవ అందించిన నేపథ్య సంగీతం టీజర్‌కు ప్రధాన ఆకర్షణగా నిలవగా, లైట్ బాక్స్ మీడియా మరియు పిక్చర్ పర్ఫెక్ట్ ఎంటర్టైన్మెంట్ బ్యానర్లపై సందీప్ గుణ్ణం, వినయ్ చిలపాటి ఈ చిత్రాన్ని నిర్మిస్తున్నారు. ఈ మూవీ ఫిబ్రవరి 27, 2026న ప్రపంచవ్యాప్తంగా థియేటర్లలో విడుదల కానుంది.