L2 Empuraan Teaser | ‘లుసిఫ‌ర్’ సీక్వెల్.. మోహ‌న్ లాల్ ‘ఎల్ 2 ఎంపురాన్’ టీజ‌ర్ రిలీజ్

Mohan Lal L2 Empuraan | మ‌ల‌యాళ న‌టుడు మోహ‌న్ లాల్ ప్ర‌ధాన పాత్ర‌లో న‌టించిన ఎల్ 2 ఎంపురాన్ టీజ‌ర్ విడుద‌ల అయ్యింది.

Lucifer 2 Empuraan Teaser | మలయాళీ సూపర్ స్టార్ మోహ‌న్ లాల్ (Mohan Lal) ప్ర‌ధాన పాత్ర‌లో న‌టిస్తున్న తాజా చిత్రం ఎల్2 ఎంపురాన్(L2 Empuraan). బ్లాక్ బ‌స్ట‌ర్ చిత్రం లుసిఫ‌ర్ (Lucifer) సినిమాకి ఈ చిత్రం సీక్వెల్‌గా వ‌స్తుంది. న‌టుడు పృథ్వీరాజ్ సుకుమారన్ (Prithviraj Sukumaran) ఈ సినిమాకు ద‌ర్శ‌క‌త్వం వ‌హిస్తుండ‌గా.. మంజు వారియ‌ర్ (Manju Warrier), టోవినో థామస్(Tovino Thomas) కీల‌క పాత్ర‌ల్లో న‌టిస్తున్నారు. ఇప్ప‌టికే షూటింగ్ కంప్లీట్ చేసుకున్న ఈ చిత్రం మార్చి 27న ప్రేక్ష‌కుల ముందుకు రానుంది. ఈ సంద‌ర్భంగా టీజ‌ర్‌ను విడుద‌ల చేశారు మేక‌ర్స్.

స్టీఫెన్ నెడుంప‌ల్లి(మోహ‌న్ లాల్)గా ఉండి ఒక సాధారణ జీవితం గడుపుతున్న ఇత‌డు అస‌లు ఖురేషీ అబ్రాహం అనే అండ‌ల్ వ‌రల్డ్ డాన్‌గా ఎలా ఎదిగాడు అనేది ఈ సినిమా స్టోరీ అని తెలుస్తుంది. మురళి గోపి ఈ సినిమాకు క‌థ‌ను అందిస్తుండ‌గా.. ఇందులో మోహన్ లాల్ మరింత స్టైలిష్‏గా కనిపించ‌మోతున్నాడు.

ఇదిలా ఉంటే.. పృథ్విరాజ్‌కు దర్శకుడిగా ఇది మూడో సినిమా. మూడు సినిమాల్లో మోహన్‌లాల్ ప్రధాన హీరోగా ఉండటం విశేషం. ఇక ఈ సీక్వెల్ సినిమాను డబ్బును మంచి నీళ్ళలా ఖర్చు పెట్టే లైకా సంస్థ టేకోవర్‌ చేసుకుంది. తెలుగుతో పాటు, త‌మిళం, మ‌ల‌యాళం భాష‌ల్లో ఈ సినిమా విడుద‌ల కానున్న‌ట్లు స‌మాచారం.