Hridayapoorvam Teaser | న‌వ్వులు పంచుతున్న మోహ‌న్ లాల్ ‘హృద‌య‌పూర్వం’ టీజ‌ర్

Hridayapoorvam | మలయాళ సూపర్ స్టార్ మోహన్ లాల్ నటిస్తున్న తాజా చిత్రం హృద‌య‌పూర్వం (Hridayapoorvam). ఈ మూవీ నుంచి తాజాగా మేక‌ర్స్ టీజ‌ర్‌ను విడుద‌ల చేశారు.

Hridayapoorvam | మలయాళ సూపర్ స్టార్ మోహన్ లాల్ నటిస్తున్న తాజా చిత్రం హృద‌య‌పూర్వం (Hridayapoorvam). ఈ మూవీ నుంచి తాజాగా మేక‌ర్స్ టీజ‌ర్‌ను విడుద‌ల చేశారు. ఈ ఏడాది ఇప్పటికే ‘ఎల్2: ఎంపురాన్’ మరియు ‘తుడరుమ్’ వంటి యాక్షన్, థ్రిల్లర్ చిత్రాలతో సూప‌ర్ హిట్‌ల‌ను అందుకున్న ల‌ల్లెట్ట‌న్ హృద‌య‌పూర్వం అంటూ క్రేజీ మూవీని ప్రేక్ష‌కుల ముందుకు తీసుకురాబోతున్నాడు. ఈ సినిమాకు సత్యన్ అంతికాడ్ దర్శకత్వం వ‌హిస్తుండ‌గా మోహన్ లాల్ సరసన మాళవిక మోహనన్ నటించారు. ‘ప్రేమలు’ ఫేమ్ సంగీత్ ప్రతాప్ ఈ చిత్రంలో కీలక పాత్రలో కనిపించబోతున్నాడు. ఆశీర్వాద్ సినిమాస్ బ్యానర్‌పై ఆంటోని పెరుంబావూర్ నిర్మిస్తున్న ఈ చిత్రానికి జస్టిన్ ప్రభాకరన్ సంగీతం అందించారు. అయితే ఈ తాజాగా ఈ టీజ‌ర్‌ని విడుద‌ల చేసింది చిత్ర‌బృందం.

ఈ టీజ‌ర్ ఒక‌ ఫ‌న్నీ మూమెంట్‌తో స్టార్ట్ అవుతుంది. ఒక యువకుడు మోహన్ లాల్ పాత్రతో మాట్లాడుతూ, తాను మలయాళ చిత్రాలకు పెద్ద అభిమాని అని, ముఖ్యంగా ఫహద్ ఫాసిల్ (ఫాఫా) అంటే తనకు చాలా ఇష్టమని చెబుతాడు. దానికి మోహన్ లాల్, “ఆయన మాత్రమే కాదు, ఇంకా చాలా మంది సీనియర్ నటులు ఉన్నారు” అని అనగా, ఆ యువకుడు “కాదు కాదు, ఫాఫానే బెస్ట్!” అని చెప్పడం నవ్వులు పూయిస్తుంది. ఇది ప్రస్తుత సినీ ట్రెండ్‌ను, తారల మధ్య ఉండే స్నేహపూర్వక పోటీని చమత్కారంగా ప్రతిబింబిస్తుంది. మోహన్ లాల్ తన సహజమైన హాస్యంతో, అలరించే నటనతో టీజర్‌కు ప్రత్యేక ఆకర్షణగా నిలిచారు. ఈ చిత్రం ఓనం పండుగ సందర్భంగా ఆగస్టు 28న ప్ర‌పంచ‌వ్యాప్తంగా ప్రేక్ష‌కుల ముందుకు రాబోతుంది.