Mithun Chakraborty | నిలకడగానే మిథున్‌ చక్రవర్తి ఆరోగ్యం

ప్రముఖ బాలీవుడ్‌ నటుడు, భజాపా నేత మిథున్‌ చక్రవర్తి తీవ్ర ఆస్వస్థతకు లోనయ్యారు. శనివారం ఉదయం ఆయనకు హటాత్తుగా కుడిచేయి, కుడికాలు బలహీనపడటంతో కుటుంబసభ్యులు హుటాహుటిన ఆయన్ను కోల్‌కతాలోని ఓ ప్రైవేటు ఆసుపత్రికి తరలించారు.

Mithun Chakraborty | ప్రముఖ బాలీవుడ్‌ నటుడు, భజాపా నేత మిథున్‌ చక్రవర్తి తీవ్ర ఆస్వస్థతకు లోనయ్యారు. శనివారం ఉదయం ఆయనకు హటాత్తుగా కుడిచేయి, కుడికాలు బలహీనపడటంతో కుటుంబసభ్యులు హుటాహుటిన ఆయన్ను కోల్‌కతాలోని ఓ ప్రైవేటు ఆసుపత్రికి తరలించారు. ప్రస్తుతం మిథున్‌ ఐసీయూలో చికిత్స పొందుతున్నారు. ఎంఆర్‌ఐ స్కాన్‌ రిపోర్ట్‌ ప్రకారం మిథున్‌ మెదడులో ఇస్కిమిక్‌ సెరెబ్రో వాస్కులర్‌ అనే స్ట్రోక్‌ ఏర్పడిందని, ఈ కారణం వల్లే ఆయన కుడి చేయి, కుడి కాలు బలహీనపడ్డాయని వైద్యులు వెల్లడించారు.

ప్రస్తుతం మిథున్‌ ఆరోగ్యం నిలకడగానే ఉందని, ఆహారం కూడా తీసుకుంటున్నారని వైద్యులు తెలియజేశారు. 1976లో ‘మ్రిగయా’ అనే బెంగాలీ చిత్రం ద్వారా మిథున్‌ తెరంగేట్రం చేశారు. తొలి సినిమాతోనే ఉత్తమనటుడిగా పలు అవార్డులు అందుకున్నారు. 1982లో విడుదలైన ‘డిస్కోడాన్సర్‌’ ఆయనకు సూపర్‌స్టార్‌డమ్‌ తెచ్చిపెట్టింది. ఇటీవలే పద్మభూషణ్‌ అవార్డు కూడా అందుకున్నారు మిథున్‌చక్రవర్తి.