Mirzapur The Movie Review | ‘మీర్జాపూర్‌: ది మూవీ’ రివ్యూ.. వెబ్‌సిరీస్ మ్యాజిక్‌ను రిపీట్ చేసిందా?

Mirzapur The Movie | ఓటీటీలో సంచలన విజయం సాధించి, దేశవ్యాప్తంగా రికార్డులు సృష్టించిన ప్రముఖ వెబ్‌సిరీస్ ‘మీర్జాపూర్’ ఇప్పుడు వెండితెరకు 'మీర్జాపూర్: ది మూవీ' పేరుతో వచ్చింది.

Mirzapur The Movie | ఓటీటీలో సంచలన విజయం సాధించి, దేశవ్యాప్తంగా రికార్డులు సృష్టించిన ప్రముఖ వెబ్‌సిరీస్ ‘మీర్జాపూర్’ ఇప్పుడు వెండితెరకు ‘మీర్జాపూర్: ది మూవీ’ పేరుతో వచ్చింది. భారీ అంచనాల మధ్య నేడు విడుదలైన ఈ చిత్రానికి గుర్మీత్ సింగ్ దర్శకత్వం వహించగా, రితేశ్ సిద్వానీ మరియు ఫర్హాన్ అక్తర్ సంయుక్తంగా నిర్మించారు. సిరీస్‌లో ఉన్న ఇంటెన్స్ డ్రామాను పెద్ద తెరపై ఏ మేరకు ఆకట్టుకునేలా మలిచారో రివ్యూలో చూద్దాం.

కథ
మీర్జాపూర్ సామ్రాజ్యానికి అప్రకటిత చక్రవర్తి అఖండానంద్ త్రిపాఠి అలియాస్ కాలీన్ భయ్యా (పంకజ్ త్రిపాఠి). ఈ గద్దెపై ఎవరైతే కూర్చుంటారో వారు ఉత్తరప్రదేశ్ రాజకీయాలను శాసించగలరు. కాలీన్ భయ్యాకు నమ్మిన బంటులుగా గుడ్డు పండిట్ (అలీ ఫజల్), బబ్లూ పండిట్ (జితేంద్ర కుమార్) వ్యవహరిస్తుంటారు. మరోవైపు కాలీన్ భయ్యా కొడుకు మున్నా (దివ్యేందు) తన దూకుడుతో తండ్రికి తగ్గ తనయుడిగా నిలవాలని ప్రయత్నిస్తుంటాడు. అయితే, మీర్జాపూర్ సింహాసనాన్ని కైవసం చేసుకోవడానికి జైసల్మేర్‌కు చెందిన శక్తివంతమైన డ్రగ్ సప్లయర్ బబన్ యాదవ్ (రవి కిషన్) రంగంలోకి దిగుతాడు. బబన్ యాదవ్ వేసిన కుట్ర ఏమిటి? కాలీన్ భయ్యా ఈ ప్రమాదాన్ని ఎలా ఎదుర్కొన్నాడు? చివరకు మీర్జాపూర్ పీఠం ఎవరికి దక్కింది? అనేదే ఈ చిత్ర అసలు కథ.

విశ్లేషణ:
వెబ్‌సిరీస్‌గా ప్రేక్షకులను కట్టిపడేసిన ‘మీర్జాపూర్’ కథను సినిమా రూపంలోకి తీసుకురావాలనే ఆలోచన బాగున్నప్పటికీ, అమలు చేయడంలో మేకర్స్ తడబడ్డారు. దాదాపు 3 గంటలకు పైగా సాగే ఈ చిత్రంలో కథనం చాలా నెమ్మదిగా సాగుతుంది. ఇక ఈ చిత్రంలో హింస, రక్తం ఏరులై పారడం, బూతులు సర్వసాధారణంగా కనిపిస్తాయి. అయితే, కేవలం యాక్షన్ మాత్రమే కాకుండా తండ్రీకొమ్రుల మధ్య సంబంధాలు, ప్రేమ, నమ్మకం, స్నేహం వంటి కుటుంబ భావోద్వేగాలను కూడా దర్శకుడు చక్కగా చూపించారు. మీర్జాపూర్, జైసల్మేర్ ప్రాంతాల మధ్య కనెక్షన్లను, పాత్రల భావోద్వేగాలను ఎలివేట్ చేసిన తీరు బాగుంది. సినిమాలోని రాజస్థాన్ డెసర్ట్ విజువల్స్ సినిమాకు రిచ్ లుక్‌ను తెచ్చిపెట్టాయి. ముఖ్యంగా క్లైమాక్స్ ముందు వచ్చే యాక్షన్ సీక్వెన్స్ మరియు చివరి గంట సినిమాకు ప్రధాన హైలైట్‌గా నిలిచాయి. దర్శకుడు వెబ్‌సిరీస్‌లో ఉన్న నేరపూరిత వాతావరణాన్ని వెండితెరకు తీసుకురావడంలో సఫలమైనప్పటికీ, స్క్రీన్‌ప్లేను మరింత బిగువుగా మలచడంలో విఫలమయ్యారు. సినిమాటోగ్రఫీ, నిర్మాణ విలువలు ఉన్నత స్థాయిలో ఉన్నాయి.

నటీనటులు
కాలీన్ భయ్యా పాత్రలో పంకజ్ త్రిపాఠి తనదైన నటనతో ఆకట్టుకున్నారు. గుడ్డు (అలీ ఫజల్), మున్నా త్రిపాఠి (దివ్యేందు), బబ్లు (జితేంద్ర కుమార్ – విక్రాంత్ మాస్సే స్థానంలో నటించారు), గోలు (శ్వేతా త్రిపాఠి), వీణా (రసిక దుగల్) తదితరులందరూ తమ పాత్రలకు పూర్తి న్యాయం చేశారు. కొత్తగా ఎంట్రీ ఇచ్చిన రవి కిషన్, మోహిత్ మాలిక్ తమ నటనతో సినిమాకు అదనపు బలాన్ని చేకూర్చారు.

చివ‌రిగా ఈ సినిమా కథనం కొన్ని చోట్ల ఊహించదగిన విధంగా సాగినా, స్క్రీన్ ప్లే వేగంగా ఉండటంతో బోర్ కొట్టదు. ముఖ్యంగా క్లైమాక్స్ తర్వాత వచ్చే పోస్ట్-క్రెడిట్స్ ట్విస్ట్ సినిమాపై అంచనాలను పెంచడమే కాకుండా, భవిష్యత్తులో ఈ ఫ్రాంచైజీ నుంచి మరిన్ని సినిమాలు రాబోతున్నాయనే స్పష్టతను ఇస్తుంది.