Megha Akash | ఆ రూల్స్‌ పాటించాల్సిందే.. రావణాసుర సినిమాపై మేఘా ఆకాశ్‌ ఇంట్రెస్టింగ్‌ కామెంట్స్‌

‘రావణాసుర’ చిత్రంలో ధనవంతురాలైన అమ్మాయి పాత్రలో కనిపిస్తానని, వినోదంతో పాటు భిన్న భావోద్వేగాలతో తన పాత్ర సాగుతుందని చెప్పింది మేఘా ఆకాష్‌. రవితేజ కథానాయకుడిగా సుధీర్‌వర్మ దర్శకత్వంలో రూపొందిన ఈ చిత్రం నేడు ప్రేక్షకుల ముందుకురానుంది.

Megha Akash |  ‘రావణాసుర’ చిత్రంలో ధనవంతురాలైన అమ్మాయి పాత్రలో కనిపిస్తానని, వినోదంతో పాటు భిన్న భావోద్వేగాలతో తన పాత్ర సాగుతుందని చెప్పింది మేఘా ఆకాష్‌. రవితేజ కథానాయకుడిగా సుధీర్‌వర్మ దర్శకత్వంలో రూపొందిన ఈ చిత్రం నేడు ప్రేక్షకుల ముందుకురానుంది. ఈ సందర్భంగా ఈ చిత్ర కథానాయికల్లో ఒకరైన మేఘా ఆకాష్‌ మాట్లాడుతూ ‘ఈ సినిమా కథ బాగా నచ్చింది. అయితే కథ ఎక్కడా చెప్పొద్దని దర్శకుడు సుధీర్‌వర్మ మా టీం అందరికి ఓ రూల్‌ పెట్టాడు. అందుకే కథ గురించి ఏమాత్రం రివీల్‌ చేయడం లేదు.

ఈ సినిమాలో రవితేజ వంటి సీనియర్‌ నటుడితో పనిచేయడం వల్ల ఎన్నో విషయాలు తెలుసుకున్నా. ఈ కథలోని మలుపులు ప్రతి ఒక్కరిని సర్‌ప్రైజ్‌ చేస్తాయి. అందరూ థ్రిల్‌ ఫీలవుతారు. తెలుగులో అగ్ర హీరోలందరితోనూ సినిమాలు చేయాలనుంది. ప్రస్తుతం తెలుగులో కొన్ని కథలు వింటున్నా. విజయ్‌ ఆంటోనితో కలిసి ఓ సినిమా చేయబోతున్నా. మా అమ్మ నిర్మాణ భాగస్వామ్యంలో ఓ సినిమాకు సిద్ధమవుతున్నా’ అని చెప్పింది.