KCR Birthday | గులాబీ బాస్‌కు మెగా శుభాకాంక్షలు.. కేసీఆర్ పుట్టినరోజున చిరంజీవి భావోద్వేగ సందేశం

KCR Birthday | తెలంగాణ తొలి ముఖ్యమంత్రి, బీఆర్‌ఎస్ అధినేత కల్వకుంట్ల చంద్రశేఖర్ రావు (KCR) పుట్టినరోజు సందర్భంగా అగ్ర క‌థానాయ‌కుడు మెగాస్టార్ చిరంజీవి సోషల్ మీడియా వేదికగా హృదయపూర్వక శుభాకాంక్షలు తెలిపారు.

KCR Birthday | తెలంగాణ తొలి ముఖ్యమంత్రి, బీఆర్‌ఎస్ అధినేత కల్వకుంట్ల చంద్రశేఖర్ రావు (KCR) పుట్టినరోజు సందర్భంగా అగ్ర క‌థానాయ‌కుడు మెగాస్టార్ చిరంజీవి సోషల్ మీడియా వేదికగా హృదయపూర్వక శుభాకాంక్షలు తెలిపారు. కేసీఆర్ గారు ఎల్లప్పుడూ ఆయురారోగ్యాలతో, ప్రశాంతతతో మరియు నిండు నూరేళ్లూ సంతోషంగా ఉండాలని మనస్ఫూర్తిగా కోరుకుంటున్నట్లు చిరంజీవి తన సందేశంలో పేర్కొన్నారు. నేటితో 72వ వసంతంలోకి అడుగుపెట్టిన కేసీఆర్‌కు చిరంజీవితో పాటు ప్రధానమంత్రి నరేంద్ర మోదీ, పలువురు రాజకీయ పార్టీల నేతలు మరియు సినీ ప్రముఖులు సైతం శుభాకాంక్షలు తెలియజేశారు.

ఈ వేడుకల సందర్భంగా తెలంగాణవ్యాప్తంగా బీఆర్‌ఎస్ శ్రేణులు ఉత్సాహంగా సంబరాలు నిర్వహిస్తున్నారు. ముఖ్యంగా హైదరాబాద్‌లోని తెలంగాణ భవన్‌లో అభిమానులు భారీ కేక్‌ను కట్ చేసి తమ నాయకుడిపై ఉన్న అభిమానాన్ని చాటుకున్నారు. రాజకీయాలకు అతీతంగా కేసీఆర్, చిరంజీవి మధ్య ఉన్న సాన్నిహిత్యం కారణంగా ఏటా మెగాస్టార్ ఇలాగే ప్రత్యేకంగా విషెస్ తెలుపుతూ వస్తున్నారు. రాష్ట్రవ్యాప్తంగా వివిధ ప్రాంతాల్లో అన్నదానాలు, రక్తదాన శిబిరాలు వంటి సేవా కార్యక్రమాలు కూడా కేసీఆర్ జన్మదినం సందర్భంగా జోరుగా సాగుతున్నాయి.

Many many happy returns of the day to Shri @KCRBRSPresident garu 💐💐

Wishing you good health, peace, and happiness always!!

— Chiranjeevi Konidela (@KChiruTweets) February 17, 2026