Vishwabhara | #mega156 టైటిల్‌ వచ్చేసింది.. వీడియో గ్లింప్స్‌తోనే అదరగొట్టిన వశిష్ట

Vishwabhara | చాలా ఏండ్ల తర్వాత మెగాస్టార్‌ చిరంజీవి మళ్లీ సోషియోఫాంటసీ మూవీ చేస్తున్నాడు. బింబిసారతో టాలీవుడ్‌లో సంచలనం సృష్టించిన యంగ్‌ డైరెక్టర్‌ వశిష్ఠ ఈ సినిమాను తెరకెక్కిస్తున్నాడు. ఈ సినిమాను అనౌన్స్‌ చేసినప్పటి నుంచి ఈ సినిమా ఎలా ఉండబోతుందా? అని ప్రేక్షకులు ఆసక్తిగా ఎదురుచూస్తున్నారు.

Vishwabhara | చాలా ఏండ్ల తర్వాత మెగాస్టార్‌ చిరంజీవి మళ్లీ సోషియోఫాంటసీ మూవీ చేస్తున్నాడు. బింబిసారతో టాలీవుడ్‌లో సంచలనం సృష్టించిన యంగ్‌ డైరెక్టర్‌ వశిష్ఠ ఈ సినిమాను తెరకెక్కిస్తున్నాడు. ఈ సినిమాను అనౌన్స్‌ చేసినప్పటి నుంచి ఈ సినిమా ఎలా ఉండబోతుందా? అని ప్రేక్షకులు ఆసక్తిగా ఎదురుచూస్తున్నారు. #mega156 సినిమా ఎప్పుడు మొదలవుతుందా? ఈ సినిమాలో చిరంజీవి ఎలా కనిపిస్తారా? అని మెగా ఫ్యాన్స్‌ ఉత్కంఠగా చూస్తున్నారు. ఈ క్రమంలో మెగా ఫ్యాన్స్‌కు చిత్ర బృందం గుడ్‌ న్యూస్‌ చెప్పింది. సంక్రాంతి సందర్భంగా ఈ సినిమా టైటిల్‌ను రివీల్‌ చేశారు. ఈ సినిమా టైటిల్‌ను ప్రకటిస్తూ యూవీ క్రియేషన్స్‌ ఒక వీడియో గ్లింప్స్‌ను రిలీజ్‌ చేసింది.

చిరంజీవి, వశిష్ట కాంబినేషన్‌లో వస్తున్న #mega156 సినిమాకు ముల్లోక వీరుడు, విశ్వంభర టైటిల్స్‌ను పరిశీలిస్తున్నట్లు చాలా రోజులుగా వార్తలు వచ్చాయి. జగదేక వీరుడు అతిలోక సుందరి టైటిల్‌కు దగ్గరగా ఉండటంతో.. వీటిలో ముల్లోక వీరుడు అనే టైటిల్‌ను కన్ఫార్మ్‌ చేశారని కూడా ప్రచారం జరిగింది. కానీ ఈ ఊహగానాలు అన్నింటినీ బ్రేక్‌ చేస్తూ చిత్ర యూనిట్‌ సినిమా టైటిల్‌ను రివీల్‌ చేసింది. విశ్వంభర టైటిల్‌ను కన్ఫార్మ్‌ చేస్తూ ఓ వీడియో గ్లింప్స్‌ను వదిలింది. ఈ సినిమాను వచ్చే ఏడాది సంక్రాంతికి ప్రేక్షకుల ముందుకు తీసుకురానున్నట్లు కూడా ప్రకటించింది. సంక్రాంతి సందర్భంగా విడుదలైన ఈ గ్లింప్స్‌ ఇప్పుడు మెగా ఫ్యాన్స్‌ను ఫుల్‌ ఖుషీ చేస్తోంది.

స్వర్గపు అంచులను తాకుతూ వెళ్లిన ఒక మాయ పెట్టెలో.. కాలరంధ్రం గుండా పయనించి.. ఎన్నో అడ్డంకులను దాటుకుని చివరకు భూమిపై వచ్చి చేరుతుంది. ఆ తర్వాత ఆ మాయ పేటిక ఓపెన్‌ అవ్వడంతో విశ్వంభర టైటిల్‌ రివీల్‌ అవుతుంది. ఈ క్రమంలో పెద్ద హనుమంతుడి విగ్రహాన్ని చూపించడంతో సినిమా స్టోరీ ఎలా ఉండబోతుందనే ఉత్కంఠ పెరిగిపోతుంది. ఈ టైటిల్‌ రివీల్‌ చేసి మెగా ఫ్యాన్స్‌ థ్రిల్‌ అవుతున్నారు. టైటిల్‌ రివీల్‌నే ఈ రేంజ్‌లో ఉంటే.. సినిమా ఎలా ఉండబోతుందా? అని ఊహల్లో మునిగిపోతున్నారు. ఇక విశ్వంభర సినిమా విషయానికొస్తే ఈ సినిమాను యూవీ క్రియేషన్స్‌ బ్యానర్‌ తెరకెక్కిస్తుంది. ఆస్కార్‌ విన్నింగ్‌ మ్యూజిక్‌ డైరెక్టర్‌ ఎం.ఎం.కీరవాణి సంగీతం అందిస్తున్నాడు. ఇక ఈ సినిమాలో చిరంజీవి సరసన అనుష్క శెట్టి, మృణాల్‌ ఠాకూర్‌ నటిచనున్నారని ప్రచారం జరుగుతోంది.