మెగా 157కోసం ముస్సోరికి..

అగ్ర కథానాయిక నయనతార రూట్‌ మార్చుకుంది. సినిమా ప్రమోషన్స్‌కు దూరంగా ఉండే ఈ భామ ఇప్పుడు ప్రచార వీడియోలతో సందడి చేస్తున్నది. ఇదంతా చిరంజీవి 157వ సినిమా కోసం కావడం విశేషం. అనిల్‌రావిపూడి దర్శకత్వంలో చిరంజీవి కథానాయకుడిగా ఓ చిత్రం తెరకెక్కుతున్న విషయం తెలిసిందే.

అగ్ర కథానాయిక నయనతార రూట్‌ మార్చుకుంది. సినిమా ప్రమోషన్స్‌కు దూరంగా ఉండే ఈ భామ ఇప్పుడు ప్రచార వీడియోలతో సందడి చేస్తున్నది. ఇదంతా చిరంజీవి 157వ సినిమా కోసం కావడం విశేషం. అనిల్‌రావిపూడి దర్శకత్వంలో చిరంజీవి కథానాయకుడిగా ఓ చిత్రం తెరకెక్కుతున్న విషయం తెలిసిందే. మెగా157 వర్కింగ్‌ టైటిల్‌తో రూపొందిస్తున్న ఈ చిత్రంలో నయనతార కథానాయిక. ఈ సినిమా కోసం ఇటీవల నయనతార ఓ ప్రమోషనల్‌ వీడియోను విడుదల చేయగా..దానికి అద్భుతమైన స్పందన లభించింది.

మున్ముందు సినిమా ప్రచార కార్యక్రమాల్లో నయనతార అదరగొట్టబోతున్నదని మేకర్స్‌ చెబుతున్నారు. ఇదిలా ఉండగా ప్రస్తుతం ఈ సినిమా షూటింగ్‌ ముస్సోరిలో జరుగుతున్నది. ఈ షూట్‌లో నయనతార జాయిన్‌ అయ్యారు. కామెడీ ప్రధానంగా చిత్రాన్ని తెరకెక్కిస్తున్నారు. ఇటీవల విడుదల చేసిన వీడియోలో చిరంజీవి వింటేజ్‌ అవతార్‌లో కనిపించారు. వచ్చే ఏడాది సంక్రాంతికి ఈ సినిమా విడుదల కానుంది. ఈ చిత్రానికి సంగీతం: భీమ్స్‌ సిసిరోలియో, నిర్మాతలు: సాహు గారపాటి, సుస్మిత కొణిదెల, రచన-దర్శకత్వం: అనిల్‌ రావిపూడి.