Das Ka Dhamki Movie | విశ్వక్‌సేన్‌ దాస్‌ కా ధమ్‌కీ నుండి మావ బ్రో సాంగ్‌ రిలీజ్‌..!

గతేడాది 'అర్జున కళ్యాణం', 'ఓమై గాడ్‌' వంటి బ్యాక్‌ టు బ్యాక్‌ హిట్లతో జోరుమీదున్న విశ్వక్‌ ఈ ఏడాది 'దాస్‌ కా ధమ్‌కీ 'తో ప్రేక్షకులను పలకరించడానికి ముస్తాబయ్యాడు. విశ్వక్‌ నటించి, దర్శకత్వం వహించిన ఈ సినిమా ఇటీవలే షూటింగ్‌ పూర్తి చేసుకుంది.

Das Ka Dhamki Second Single | గతేడాది ‘అర్జున కళ్యాణం’, ‘ఓమై గాడ్‌’ వంటి బ్యాక్‌ టు బ్యాక్‌ హిట్లతో అలరించిన విశ్వక్‌ ఈ ఏడాది ‘దాస్‌ కా ధమ్‌కీ ‘తో ప్రేక్షకులను పలకరించడానికి ముస్తాబయ్యాడు. విశ్వక్‌ నటించి, దర్శకత్వం వహించిన ఈ సినిమా ఇటీవలే షూటింగ్‌ పూర్తి చేసుకుంది. ప్రస్తుతం పోస్ట్‌ ప్రొడక్షన్‌ పనులలో బిజీగా ఉంది. ఇప్పటికే రిలీజైన టీజర్‌, ట్రైలర్‌లు సినిమాపై భారీ అంచనాలు నెలకొల్పాయి. యాక్షన్ థ్రిల్లర్‌ నేపథ్యంలో తెరకెక్కిన ఈ సినిమా మహాశివరాత్రి కానుకగా ఫిబ్రవరి 17న రిలీజ్‌ కాబోతుంది. ఈ క్రమంలో చిత్రబృందం వరుస అప్‌డేట్‌లు ప్రకటిస్తూ సినిమాపై మంచి బజ్‌ క్రియేట్‌ చేస్తున్నారు. తాజాగా మేకర్స్‌ ఈ సినిమా నుండి ‘మావ బ్రో’ సాంగ్‌ను రిలీజ్‌ చేశారు.

లేటెస్ట్‌గా రిలీజైన ఈ పాట ప్రేక్షకులను విపరీతంగా ఆకట్టుకుంటుంది. కాసర్ల శ్యామ్‌ రచించిన ఈ పాటను రామ్‌ మిర్యాల స్వరాన్ని సమకూర్చి పాటను ఆలపించాడు. ఇప్పటికే రిలీజై ‘ఆల్‌ మోస్ట్‌ పడిపోయిందే పిల్లా’ సాంగ్‌కు విపరీతమైన ఆధరణ లభించింది. ఈ పాట కూడ అదే రేంజ్‌లో చార్ట్‌ బస్టర్‌ అవుతుందని చిత్రబృందం ధీమాగా ఉంది. నివేథా పేతురాజ్‌ హీరోయిన్‌గా నటించిన ఈ సినిమాను విశ్వక్‌ తండ్రి కరాటే రాజు నిర్మించాడు. ‘నేనులోకల్‌’, ‘ధమాకా’ వంటి సినిమాలకు స్టోరీ స్క్రీన్‌ప్లే అందించిన ప్రసన్న కుమార్‌ ఈ సినిమాకు మాటలు రాశాడు.