Visit:
వరుణ్‌తేజ్‌ ‘మట్కా’ చిత్రం నవంబర్‌ 14న విడుదల కానున్న నేపథ్యంలో ఈ సినిమాకు చెందిన ప్రచారాన్ని వేగవంతం చేశారు నిర్మాతలు డాక్టర్‌ విజయేందర్‌రెడ్డి తీగల, రజనీ తాళ్లూరి. పీరియాడిక్‌ యాక్షన్‌ డ్రామాగా తెరకెక్కుతున్న ఈ చిత్రాన్ని కరుణకుమార్‌ తెరకెక్కిస్తున్న విషయం తెలిసిందే. తాజాగా ఈ సినిమాలోని వరుణ్‌తేజ్‌ వింటేజ్‌ బ్రాండ్‌ లుక్‌ని మేకర్స్‌ విడుదల చేశారు.
బ్లాక్‌ అండ్‌ బ్లాక్‌ సూట్‌లో సీరియస్‌గా చూస్తున్న వరుణ్‌తేజ్‌ని ఈ లుక్‌లో చూడొచ్చు. ఇందులో ఆయన గ్యాంగ్‌స్టర్‌గా నటిస్తున్నారని సమాచారం. మీనాక్షి చౌదరి, నోరా ఫతేహీ కథానాయికలుగా నటిస్తున్న ఈ చిత్రంలో నవీన్‌చంద్ర, అజయ్‌ఘోష్‌, కన్నడ కిశోర్‌, రవీంద్రవిజయ్‌, పి.రవిశంకర్‌ ఇతర పాత్రధారులు. ఈ చిత్రానికి కెమెరా: ఎ.కిశోర్‌కుమార్‌, సంగీతం: జి.వి.ప్రకాశ్‌కుమార్‌.
