Manchu Manoj | ఒంట‌రిగా వ‌స్తా.. కూర్చొని మాట్లాడుకుందాం : మంచు మ‌నోజ్

Manchu Manoj – Manchu Vishnu | మంచు ఫ్యామిలీలో గ‌త కొన్ని రోజులుగా ఆస్తుల విష‌యంలో గొడ‌వ‌లు జ‌రుగుతున్న విష‌యం తెలిసిందే. సంక్రాంతి సమయంలోనూ మరోసారి కుటుంబ వివాదాలు బయటపడ్డాయి.

Manchu Manoj – Manchu Vishnu | మంచు ఫ్యామిలీలో గ‌త కొన్ని రోజులుగా ఆస్తుల విష‌యంలో గొడ‌వ‌లు జ‌రుగుతున్న విష‌యం తెలిసిందే. సంక్రాంతి సమయంలోనూ మరోసారి కుటుంబ వివాదాలు బయటపడ్డాయి. అయితే ఈ ఘ‌ట‌నకు సంబంధించి ఇద్ద‌రిపై కేసులు కూడా న‌మోద‌య్యాయి. ఇదిలావుంటే నిన్న‌టి నుంచి మంచు విష్ణు, మంచు మ‌నోజ్‌లు ఎక్స్ (ట్విట్ట‌ర్) వేదిక‌గా ప‌ర‌స్ప‌ర విమ‌ర్శ‌లు గుప్పించుకుంటున్నారు.

ఇప్ప‌టికే విష్ణు, మ‌నోజ్‌లు సింహం, కుక్క రిఫ‌రెన్స్‌లు వాడగా.. ఇవి ట్విట్ట‌ర్‌లో హాట్ టాపిక్‌గా మారాయి. అయితే తాజాగా మంచు మ‌నోజ్ పెట్టిన కూర్చొని మాట్లాడుకుందాం అనే పోస్ట్ ఒక‌టి ప్ర‌స్తుతం వైర‌ల్‌గా మారింది.

#VisMith నువ్వు చాలా క్యూట్. మ‌నం క‌లిసి కూర్చొని మాట్లాడుకుందాం. నాన్న, ఇంట్లోని మహిళలు, ఉద్యోగులు మిగిలిన వాళ్లను పక్కనపెట్టి మనమే చర్చించుకుందాం. ఏం అంటావు.? ఈ మీటింగ్‌కి నేను ఒంట‌రిగానే వ‌స్తాను అని మాటిస్తున్న‌. నీకు న‌చ్చిన వాళ్ల‌ను నువ్వు తీసుకురావ‌చ్చు. లేదా మ‌నం మంచి హెల్తీ డిబేట్ పెట్టుకుందాం. నీ #కరెంట్‌తీగ అంటూ మ‌నోజ్ రాసుకోచ్చాడు. అయితే ఈ పోస్ట్‌కి ఎవ‌రిని ట్యాగ్ చేయ‌లేదు మ‌నోజ్. కానీ ఇది విష్ణుని ఉద్దేశించి మాత్ర‌మే మ‌నోజ్ పెట్టిన‌ట్లు నెటిజ‌న్లు కామెంట్లు పెడుతున్నారు. కాగా దీనిపై విష్ణు ఏం అంటాడో చూడాలి.

#VisMith u r too cute… let’s sit and talk, Man to Man. keeping women, Dad, staff and sugar out of this. What say ?!

Man up #VisMith 🙏🏼🙌🏽❤️ I promise I will come alone, u can get whomever you want or we can have an open and healthy debate 🙌🏽❤️

Yours, #CurrentTheega 😅 pic.twitter.com/9diTq9HYzA

— Manoj Manchu🙏🏻❤️ (@HeroManoj1) January 18, 2025