NBK 111 | అఫిషీయ‌ల్.. బాలయ్య సినిమాలో మంచు మనోజ్!

Manchu Manoj | 'వీర సింహారెడ్డి' వంటి బ్లాక్‌బస్టర్‌ విజయం తర్వాత బాలయ్య, గోపీచంద్‌ మలినేని కలయికలో తెరకెక్కుతోన్న ఈ ప్రతిష్టాత్మక చిత్రంలో నటుడు మంచు మనోజ్‌ కీలక పాత్ర పోషిస్తున్నట్లు చిత్ర బృందం అధికారికంగా ప్రకటించింది.

Manchu Manoj in NBK 111 | ‘వీర సింహారెడ్డి’ వంటి బ్లాక్‌బస్టర్‌ విజయం తర్వాత బాలయ్య, గోపీచంద్‌ మలినేని కలయికలో తెరకెక్కుతోన్న ఈ ప్రతిష్టాత్మక చిత్రంలో నటుడు మంచు మనోజ్‌ కీలక పాత్ర పోషిస్తున్నట్లు చిత్ర బృందం అధికారికంగా ప్రకటించింది. ఈ విషయాన్ని సామాజిక మాధ్యమాల ద్వారా పంచుకున్న దర్శకుడు, మనోజ్ పోషించబోయే పాత్ర ఎంతో పవర్‌ఫుల్‌గా ఉండబోతోందని, థియేటర్లలో ఆ మ్యాజిక్‌ను ప్రేక్షకులు ఎప్పుడు చూస్తారా అని తాను ఎంతగానో ఎదురుచూస్తున్నానని పేర్కొన్నారు. కాగా ఈ సినిమాలో మనోజ్‌ ప్రతినాయకుడి పాత్రలో కనిపించనున్నట్లు స‌మాచారం. గతంలో ‘ఊ..కొడతారా ఉలిక్కిపడతారా’ చిత్రంలో కలిసి న‌టించిన‌ బాలకృష్ణ, మంచు మనోజ్ మ‌ళ్లీ క‌లిసి న‌టిస్తుండ‌టంతో మూవీపై భారీ అంచ‌నాలు నెల‌కొన్నాయి.

ఈ భారీ బడ్జెట్ మూవీలో బాలకృష్ణ ద్విపాత్రాభినయం చేస్తుండటం విశేషం. ఇందులో బాలయ్య సరసన కథానాయికగా నయనతార నటిస్తున్నారు. ‘సింహా’, ‘శ్రీరామరాజ్యం’, ‘జైసింహా’ వంటి ఘనవిజయాల తర్వాత వీరిద్దరి కలయికలో వస్తున్న నాలుగో చిత్రం ఇది కావడంతో ఈ జంట మరోసారి బాక్సాఫీస్ వద్ద మేజిక్ రిపీట్ చేయడం ఖాయంగా కనిపిస్తోంది. ఎస్‌.ఎస్‌. తమన్ ఈ సినిమాకు సంగీతం అందిస్తుండ‌గా.. వృద్ధి సినిమాస్ ఈ సినిమాను నిర్మిస్తుంది.

Happy Birthday dear @HeroManoj1 🤗

It’s always a delight to see your energy light up every place around you ❤️

Can’t wait to witness what’s in store with #NBK111 . pic.twitter.com/7P9mtnvDVh

— Gopichandh Malineni (@megopichand) May 20, 2026