మనం పదేళ్ల పండగ

తెలుగు సినిమా లెజెండ్‌, పద్మవిభూషణ్‌, దాదాసాహెబ్‌ ఫాల్కే అవార్డు గ్రహీత, స్వర్గీయ అక్కినేని నాగేశ్వరరావు ఆఖరి సినిమా ‘మనం’. ఈ సినిమాలో కుమారుడు అక్కినేని నాగార్జున, మనవళ్లు నాగచైతన్య, అఖిల్‌లతో కలిసి నటించి భౌతికంగా దూరమయ్యారు అక్కినేని.

తెలుగు సినిమా లెజెండ్‌, పద్మవిభూషణ్‌, దాదాసాహెబ్‌ ఫాల్కే అవార్డు గ్రహీత, స్వర్గీయ అక్కినేని నాగేశ్వరరావు ఆఖరి సినిమా ‘మనం’. ఈ సినిమాలో కుమారుడు అక్కినేని నాగార్జున, మనవళ్లు నాగచైతన్య, అఖిల్‌లతో కలిసి నటించి భౌతికంగా దూరమయ్యారు అక్కినేని. అందుకే ‘మనం’ తెలుగువారందరికీ ఓ చెరిగిపోని జ్ఞాపకం. ఓ మహానటుడి చివరి సినిమాగా తెలుగు సినిమా చరిత్రలో చిరస్థాయిగా నిలిచిపోయిన ఓ అద్భుతం.

విక్రమ్‌ కె.కుమార్‌ దర్శకత్వం వహించిన ఈ చిత్రం మే 23, 2014న విడుదలైంది. అంటే ఈ నెల 23కి సరిగ్గా పదేళ్లు అనమాట. ఈ సందర్భంగా తెలుగు రాష్ర్టాల్లో ఈ నెల 23న ‘మనం’ సినిమా ప్రత్యేక ప్రదర్శనలను ఏర్పాటు చేశారు. ఈ విషయాన్ని అన్నపూర్ణ స్టూడియోస్‌వారు సోషల్‌మీడియా ద్వారా తెలిపారు. ‘నా మనసులో ‘మనం’ సినిమాది ప్రత్యేకస్థానం. పదేళ్ల వేడుక సందర్భంగా మళ్లీ ఈ చిత్రం థియేటర్లలోకి వస్తున్నందుకు ఆనందంగా ఉంది’ అంటూ నాగచైతన్య ట్వీట్‌ చేశారు. అనూప్‌రూబెన్స్‌ ఈ చిత్రానికి స్వరాలను సమకూర్చిన విషయం తెలిసిందే.