Anil Ravipudi | ‘మన శంకర వరప్రసాద్ గారు’తో సంక్రాంతికి డబుల్ బొనాంజా : అనిల్ రావిపూడి

Mana Shankara Varaprasad Garu | మెగాస్టార్ చిరంజీవి అభిమానులకు ఈ సంక్రాంతి పండుగ మరింత ప్రత్యేకంగా ఉండనుంది.

Mana Shankara Varaprasad Garu | మెగాస్టార్ చిరంజీవి అభిమానులకు ఈ సంక్రాంతి పండుగ మరింత ప్రత్యేకంగా ఉండనుంది. ఆయన టైటిల్ పాత్రలో నటిస్తున్న చిత్రం ‘మన శంకర వరప్రసాద్ గారు’ (Mana Shankara Varaprasad Garu). ఈ సినిమాను బ్లాక్‌బస్టర్ దర్శకుడు అనిల్ రావిపూడి తెరకెక్కిస్తున్నారు. తాజాగా జరిగిన ఒక ఈవెంట్‌లో దర్శకుడు అనిల్ రావిపూడి ఈ సినిమా గురించి కీలక వ్యాఖ్యలు చేశారు. ఈ చిత్రం అభిమానులందరినీ సర్ప్రైజ్ చేస్తుందని ఆయన అన్నారు.

అనిల్ రావిపూడి మాట్లాడుతూ.. గత సంక్రాంతి కంటే ఈసారి మా సినిమాతో డబుల్ బొనాంజా ఉంటుంది. చిరంజీవి గారిని మనం ఎప్పటి నుంచో చూడాలనుకుంటున్న కంప్లీట్ ఫ్యామిలీ ఎంటర్‌టైనర్ జానర్‌లో ఈ సినిమా ఉంటుంది. ఆయన ఈ జానర్‌లో నటించి దాదాపు 20 ఏళ్లు దాటింది. ఇన్నేళ్ల తర్వాత మళ్లీ అదే తరహా ఎంటర్‌టైనర్‌తో రానున్నారు. గతంలో ఆయన ఈ జానర్‌లో నటించిన చిత్రాలు ఎన్ని బ్లాక్‌బస్టర్లు అయ్యాయో మనకు తెలిసిందే. ఈ సినిమాతో చిరంజీవి గారు అందరినీ సర్ప్రైజ్ చేయనున్నారు అని ధీమా వ్యక్తం చేశారు. ఇప్పటికే విడుదలైన ‘మీసాల పిల్ల’ పాట సూపర్ హిట్‌గా నిలవగా, త్వరలోనే సినిమా నుండి మరో పాటను విడుదల చేయనున్నట్లు అనిల్ రావిపూడి తెలిపారు. ఈ సినిమా షూటింగ్ పూర్తయిన వెంటనే ప్రచార కార్యక్రమాలను భారీ స్థాయిలో ప్రారంభిస్తామని ఆయన చెప్పారు. ప్రస్తుతం ‘మన శంకర వరప్రసాద్ గారు’ షూటింగ్ దశలో ఉంది. అనిల్ రావిపూడి మార్క్ ఫ్యామిలీ ఎంటర్‌టైనర్‌గా తెరకెక్కుతున్న ఈ సినిమాలో చిరంజీవి సరసన నయనతార హీరోయిన్‌గా నటిస్తుండగా, ప్రముఖ నటుడు వెంకటేశ్ అతిథి పాత్రలో మెరవనున్నారు. దీంతో ఈ సినిమాపై అంచనాలు తారాస్థాయికి చేరుకున్నాయి.