Mamitha Baiju | ‘జై హనుమాన్‌’లో మమితా బైజు.. రిషబ్ శెట్టి, రానా సరసన కీలక పాత్రలో కనిపించనుందా?

Mamitha Baiju | మలయాళ ముద్దుగుమ్మ మమితా బైజు టాలీవుడ్‌లోనూ మంచి క్రేజ్ సంపాదించుకుంటోంది. ‘ప్రేమలు’ సినిమాతో తెలుగు ప్రేక్షకులకు దగ్గరైన ఈ భామ.. తన సహజమైన నటన, అందం, చలాకీతనంతో యువతను ఆకట్టుకుంది. దీంతో ఆమెకు ఇతర భాషల్లోనూ వరుస అవకాశాలు వస్తున్నాయి. ఈ నేపథ్యంలో మమితా బైజుకు సంబంధించి ఓ ఆసక్తికరమైన వార్త ఇప్పుడు సినీ వర్గాల్లో చర్చనీయాంశంగా మారింది.

Mamitha Baiju | మలయాళ ముద్దుగుమ్మ మమితా బైజు టాలీవుడ్‌లోనూ మంచి క్రేజ్ సంపాదించుకుంటోంది. ‘ప్రేమలు’ సినిమాతో తెలుగు ప్రేక్షకులకు దగ్గరైన ఈ భామ.. తన సహజమైన నటన, అందం, చలాకీతనంతో యువతను ఆకట్టుకుంది. దీంతో ఆమెకు ఇతర భాషల్లోనూ వరుస అవకాశాలు వస్తున్నాయి. ఈ నేపథ్యంలో మమితా బైజుకు సంబంధించి ఓ ఆసక్తికరమైన వార్త ఇప్పుడు సినీ వర్గాల్లో చర్చనీయాంశంగా మారింది. ప్రశాంత్ వర్మ సినిమాటిక్ యూనివర్స్‌లో భాగంగా తెరకెక్కుతున్న ప్రతిష్టాత్మక చిత్రం ‘జై హనుమాన్‌’లో ఆమె కీలక పాత్రలో నటించబోతున్నట్లు ప్రచారం జరుగుతోంది. దర్శకుడు ప్రశాంత్ వర్మ రూపొందించిన ‘హనుమాన్‌’ చిత్రం బాక్సాఫీస్ వద్ద భారీ విజయాన్ని అందుకున్న సంగతి తెలిసిందే. తేజ సజ్జా ప్రధాన పాత్రలో నటించిన ఈ సూపర్‌హీరో చిత్రం ప్రేక్షకులను విశేషంగా ఆకట్టుకుంది. దీంతో ఈ కథా ప్రపంచాన్ని మరింత విస్తరిస్తూ రూపొందిస్తున్న ‘జై హనుమాన్‌’పై భారీ అంచనాలు నెలకొన్నాయి.

ఈ సీక్వెల్‌లో మమితా బైజు ఓ కీలక పాత్రలో కనిపించనున్నట్లు తాజాగా ప్రచారం సాగుతోంది. కథలో భావోద్వేగాలకు ప్రాధాన్యమున్న పాత్ర కోసం చిత్ర బృందం ఆమెను సంప్రదించినట్లు వార్తలు వినిపిస్తున్నాయి. అయితే ఈ విషయంపై చిత్ర యూనిట్ నుంచి అధికారిక ప్రకటన రావ‌ల్సింది. ఇక ‘జై హనుమాన్‌’ చిత్రానికి సంబంధించి ఇప్పటికే పలు ఆసక్తికరమైన వార్తలు తెరపైకి వచ్చాయి. ‘కాంతార’తో దేశవ్యాప్తంగా గుర్తింపు తెచ్చుకున్న రిషబ్ శెట్టి ఈ చిత్రంలో హనుమంతుడి పాత్ర పోషించనున్నట్లు సమాచారం. అలాగే దగ్గుబాటి రానా కూడా ఓ కీలక పాత్రలో కనిపించనున్నట్లు ప్రచారం జరుగుతోంది. ఈ నేపథ్యంలో మమితా బైజు కూడా సినిమాలో భాగమైతే, విభిన్నమైన నటీనటులతో కూడిన భారీ తారాగణం ఈ ప్రాజెక్ట్‌కు మరింత ఆకర్షణగా మారనుంది. పురాణ నేపథ్యం, ఆధునిక కథన శైలి, భారీ దృశ్యాలు, అత్యున్నత సాంకేతిక ప్రమాణాలతో ఈ సినిమాను రూపొందించేందుకు దర్శకుడు ప్రశాంత్ వర్మ ప్రయత్నిస్తున్నట్లు తెలుస్తోంది.

మమితా బైజుకు ‘ప్రేమలు’ సినిమా మంచి గుర్తింపును తీసుకొచ్చింది. ఈ చిత్రంలో ఆమె నటన, తెరపై కనిపించిన సహజత్వం యువ ప్రేక్షకులను విశేషంగా ఆకట్టుకున్నాయి. దీంతో మలయాళ చిత్ర పరిశ్రమతో పాటు ఇతర భాషల్లోనూ ఆమెకు అవకాశాలు పెరుగుతున్నాయి. విభిన్నమైన కథలను ఎంచుకుంటూ తన నటనకు మరింత పదును పెట్టుకుంటున్న మమితా.. భారీ స్థాయి పాన్‌ ఇండియా చిత్రంలో నటిస్తే ఆమె కెరీర్‌కు మరో కీలక మలుపు కావచ్చనే అభిప్రాయాలు వ్యక్తమవుతున్నాయి. అయితే ‘జై హనుమాన్‌’లో ఆమె పాత్రకు సంబంధించిన వివరాలు ఇంకా అధికారికంగా వెల్లడికావాల్సి ఉంది. ‘జై హనుమాన్‌’ చిత్రంపై ప్రేక్షకుల్లో ఇప్పటికే ఆసక్తి నెలకొంది. ‘హనుమాన్‌’ సాధించిన విజయంతో సీక్వెల్‌పై అంచనాలు పెరిగాయి. ఇప్పుడు మమితా బైజు పేరు కూడా తెరపైకి రావడంతో ఈ వార్తపై సినీ అభిమానులు ఆసక్తి చూపిస్తున్నారు.