Vaazha 2 | తెలుగులోకి మ‌ల‌యాళం బ్లాక్ బ‌స్ట‌ర్.. ‘వాలా 2’ ట్రైల‌ర్ చూశారా!

Vaazha 2 | మలయాళ చిత్ర పరిశ్రమలో బాక్సాఫీస్ వద్ద కాసుల వర్షం కురిపించిన బ్లాక్ బస్టర్ మూవీ 'వాలా 2' (Vaazha 2) ఇప్పుడు తెలుగు ప్రేక్షకులను అలరించడానికి సిద్ధమైంది.

Vaazha 2 | మలయాళ చిత్ర పరిశ్రమలో బాక్సాఫీస్ వద్ద కాసుల వర్షం కురిపించిన బ్లాక్ బస్టర్ మూవీ ‘వాలా 2’ (Vaazha 2) ఇప్పుడు తెలుగు ప్రేక్షకులను అలరించడానికి సిద్ధమైంది. యూత్ ఫుల్ ఎంటర్‌టైనర్‌గా తెరకెక్కిన ఈ చిత్ర తెలుగు ట్రైలర్‌ను నేచురల్ స్టార్ నాని సోషల్ మీడియా వేదికగా విడుదల చేశారు. ట్రైలర్ చూస్తుంటే, ఇది కేవలం నవ్వులే కాదు, యువత ఆలోచనలను ప్రతిబింబించే చిత్రమని అర్థమవుతోంది. చదువులో వెనుకబడి, ఇంట్లో తిట్లు తింటూ, సమాజంలో తమకంటూ ఒక గుర్తింపు కోసం పోరాడే నలుగురు సామాన్య కుర్రాళ్ల కథే ఈ ‘వాలా 2’. కామెడీ, ఎమోషన్స్ మరియు స్నేహం కలగలిసిన ఈ ట్రైలర్ ప్రస్తుతం సోషల్ మీడియాలో ట్రెండ్ అవుతోంది. మలయాళంలో ఈ చిత్రం ఇప్పటికే రూ.210 కోట్లకు పైగా వసూళ్లు సాధించి, గత రికార్డులను తిరగరాసింది. షైన్ స్క్రీన్స్ పతాకంపై ప్రముఖ నిర్మాత సాహు గారపాటి ఈ చిత్రాన్ని తెలుగులో గ్రాండ్‌గా రిలీజ్ చేస్తున్నారు. హషీర్, అలన్ బిన్ సిరాజ్, అజిన్ జాయ్, వినాయక్ ప్రధాన పాత్రల్లో నటించగా, సావిన్ SA దర్శకత్వం వహించారు. ఈ వేసవి సందడిని రెట్టింపు చేస్తూ ఏప్రిల్ 24, 2026న ఈ చిత్రం థియేటర్లలోకి రానుంది.