Bro daddy movie in OTT | మలయాళ ఇండస్ట్రీలో నెంబర్ వన్ హీరో మోహన్ లాల్. రెండేండ్ల కింద వరకు కేరళ ఇండస్ట్రీ అంటే అందరికీ చిన్నచూపు ఉండేది. అక్కడ మార్కెట్ మహా అయితే 40 కోట్లు దాటదు అంటూ తక్కువగా చూసే వాళ్లు. అలాంటిది ఒకే ఒక హీరో మలయాళ ఇండస్ట్రీ మార్కెట్ పెంచేశాడు. తన భుజస్కంధాలపై ఇండస్ట్రీ భారం మొత్తం మోశాడు. రూ.40 కోట్లు కాదు 100 కోట్లు వసూలు చేసే సత్తా మలయాళ సినిమాలకు ఉంది అని నిరూపించాడు. ఆయన ఎవరో ప్రత్యేకంగా చెప్పాల్సిన అవసరం లేదు.. అతడే మోహన్ లాల్. గత కొన్నేళ్లుగా ఆయన నటిస్తున్న సినిమాల సంచలన విజయం అందుకుంటున్నాయి.
మార్కెట్ పరంగా కూడా 100 కోట్లకు పైగా వసూలు చేస్తున్నాయి. మన్యం పులి, దృశ్యం, లూసిఫర్ లాంటి సినిమాలు ఆల్ టైం హైయెస్ట్ కలెక్షన్స్ వసూలు చేశాయి. అలాంటి హీరో ఇప్పుడు సంచలన నిర్ణయం తీసుకుంటున్నాడు. కరోనా వైరస్ కారణంగా తన సినిమాలను నేరుగా ఓటీటీలో విడుదల చేస్తున్నాడు. ఏదో ఒక సినిమా అలా చేస్తే పరిస్థితుల ప్రభావం అనుకోవచ్చు.. కానీ ఆయన ప్రతి సినిమా నేరుగా డిజిటల్ లో విడుదల చేయడానికి సన్నాహాలు చేస్తున్నాడు. దీని కోసం వందల కోట్ల డీల్ మాట్లాడుకుంటున్నాడు మోహన్ లాల్. ఇప్పటికే 2021లో ఈయన నటించిన దృశ్యం 2 అమెజాన్ ప్రైమ్ వీడియోలో నేరుగా విడుదలై సంచలన విజయం అందుకుంది.
భారీ బడ్జెట్ తో ప్రియదర్శన్ తెరకెక్కించిన మరక్కార్ కూడా కేవలం రెండు వారాల్లోనే అమెజాన్ ప్రైమ్ లో విడుదలైంది. ఇక ఇప్పుడు ఆయన నటించిన బ్రో డాడీ సినిమా జనవరి 26న నేరుగా డిస్నీ హాట్స్టార్లో విడుదల కానుంది. స్టార్ హీరో పృథ్వీరాజ్ సుకుమారన్ ఈ సినిమాలో నటించడమే కాకుండా దర్శకత్వం కూడా వహించాడు. రెండేళ్ల కింద ఈ కాంబినేషన్లో వచ్చిన లూసిఫర్ సెన్సేషనల్ బ్లాక్బస్టర్ అయ్యింది. దాంతో మరోసారి ఈ కాంబినేషన్లో బ్రో డాడీ తెరకెక్కించారు. దీనిపై అంచనాలు భారీగా ఉన్నాయి. థియేటర్లలో విడుదల చేసే పరిస్థితి లేకపోవడంతో జనవరి 26న నేరుగా డిజిటల్ మీడియాలో ఈ సినిమాను విడుదల చేస్తున్నారు. దీనిపై కేరళలో థియేటర్స్ సంఘం కోపంగా ఉన్నారు. పరిస్థితులు బాగాలేవని స్టార్ హీరోల ఇలా తమ సినిమాలను నేరుగా ఓటీటీలో విడుదల చేస్తే థియేటర్స్ భవిష్యత్తు ఏమైపోతుంది అంటూ వాళ్లు వాపోతున్నారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Follow us on Google News
మెగా కాంపౌండ్లోకి ఎంటర్ అవుతున్న కృతి శెట్టి.. వైష్ణవ్ తేజ్ తర్వాత ఆయనతో..
Pushpa | వాయిస్ ఆర్టిస్ట్గా పనికిరావన్నారు.. ఇప్పుడు హిందీలో ‘తగ్గేదేలే’ అంటూ ఊపేస్తున్నాడు!
రంగంలోకి దిగిన రజినీ, కస్తూరి రాజా.. ధనుష్, ఐశ్వర్య జంట మళ్లీ కలవబోతున్నారా!
కృతిశెట్టికి నచ్చిన హీరో ఎవరు? బేబమ్మకు లెటర్ రాసిన స్టార్ హీరో ఎవరంటే..