నటించను.. ఇలాగేవుంటా.. నీకేమైనా ఇబ్బందా?

నటి మాళవిక మోహనన్‌కి కోపం వచ్చింది. ఈ ముద్దుగుమ్మకు ఖాళీ సమయంలో అభిమానులతో ముచ్చటించడం సరదా. ఈ కారణంగానే తన ఎక్స్‌(ట్విటర్‌)లో ‘ఆస్క్‌ మాళవిక’ పేరుతో క్వశ్చన్‌ అండ్‌ ఆన్సర్‌ సెషన్‌ నిర్వహించింది.

నటి మాళవిక మోహనన్‌కి కోపం వచ్చింది. ఈ ముద్దుగుమ్మకు ఖాళీ సమయంలో అభిమానులతో ముచ్చటించడం సరదా. ఈ కారణంగానే తన ఎక్స్‌(ట్విటర్‌)లో ‘ఆస్క్‌ మాళవిక’ పేరుతో క్వశ్చన్‌ అండ్‌ ఆన్సర్‌ సెషన్‌ నిర్వహించింది. మరి ప్రశ్నించేవారంతా బుద్ధిమంతులు కారుకదా.. వారిలో ఓ తుంటరి నెటిజన్‌ తన ప్రశ్నతో మాళవికను అసహనానికి లోను చేశాడు. ‘ఎప్పుడూ గ్లామర్‌ షోనేనా? నటించడం ఏమైనా ఉందా?’ అని అడగడంతో ఈ ముద్దుగుమ్మకు మండుకొచ్చింది.

‘నేను నటించను.. ఇలాగే ఉంటాను.. నీకేమైనా ఇబ్బందా?’ అంటూ ఆవేశంగా బదులిచ్చింది. దీంతో మిగతా వారంతా మాళవికను శాంతింపజేసేందుకు ప్రయత్నించారు. ‘అలాంటివారికి సమాధానం చెప్పకండి?’ అని ఒకరు.. ‘బాధపడకండి మేడమ్‌..’ అంటూ ఒకరు మాళవికను ఓదార్చారు. ఈ సెషన్‌లో మాళవిక చాలా ప్రశ్నలకు సమాధానాలిచ్చింది.

రజనీకాంత్‌ ‘తంగలాన్‌’లో తన పాత్రకు తానే డబ్బింగ్‌ చెప్పుకున్నాననీ, ప్రేక్షకుల స్పందన కోసం ఎదురు చూస్తున్నానని మాళవిక చెప్పింది. హైదరాబాద్‌ ఫుడ్‌ అంటే తనకు ఇష్టమని, అనుష్కశెట్టి, సమంత తనకు ఇష్టమైన హీరోయిన్లనీ, తన తొలి సెలబ్రిటీ క్రష్‌ హృతిక్‌ రోషన్‌ అని ఈ ఇంటర్‌వ్యూలో తెలిపింది మాళవిక.