Malaikottai Vaaliban | మలయాళ స్టార్ హీరో మోహన్ లాల్ (Mohanlal) నటించిన తాజా చిత్రం మలైకోటై వాలిబన్ (Malaikottai Valiban). భారీ బడ్జెట్తో తెరకెక్కిన ఈ సినిమాకు లిజో జోష్ పెల్లిస్సెరీ దర్శకత్వం వహించాడు. రిపబ్లిక్ డే కానుకగా ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద డిజాస్టర్గా మిగిలింది. కథ, కథనం ఏవి కూడా ఆసక్తికరంగా లేకపోవడంతో వారం లోపే దుకాణం సర్దేసింది. సుమారుగా రూ.67 కోట్ల బడ్జెట్ తో తెరకెక్కిన ఈ సినిమా ఫైనల్ రన్ లో కేవలం రూ.6.2 కోట్ల షేర్ ను మాత్రమే రాబట్టింది. మోహన్ లాల్ కెరీర్ లోనే కాదు… మలయాళ సినిమా హిస్టరీలోనే బిగ్గెస్ట్ డిజాస్టర్ సినిమాగా మలైకోటై వాలిబన్ నిలిచింది. ఇక ఈ సినిమాకు సీక్వెల్ కూడా ఉంటుందని మేకర్స్ ప్రకటించిన విషయం తెలిసిందే. ఇదిలావుంటే తాజాగా ఈ చిత్రం ఓటీటీ లాక్ చేసుకుంది.
ప్రముఖ ఓటీటీ వేదిక డిస్నీ ప్లస్ హాట్స్టార్ వేదికగా ఈ చిత్రం ఫిబ్రవరి 23నుంచి స్ట్రీమింగ్ కానుంది. ఈ విషయాన్ని చిత్రయూనిట్ సోషల్ మీడియా వేదికగా ప్రకటించింది. హరీష్ పేరడి ఈ చిత్రంలో కీ రోల్ పోషించగా.. బాలీవుడ్ యాక్టర్లు విద్యుత్ జమ్వాల్, రాధికా ఆప్టే, సోనాలీ కులకర్ణి, డానిష్ సేత్, మనికంద రాజన్, ఆండ్రియా రావెరా కీలక పాత్రల్లో నటించారు. ఈ మూవీని మ్యాక్స్ ల్యాబ్స్-సెంచురీ ఫిలిమ్స్ బ్యానర్లపై జాన్-మేరీ క్రియేటివ్ తెరకెక్కించారు.
Lijo Jose Pellissery’s #MalaikottaiVaaliban digital arrives February 23 on Disney+ Hotstar.
Starring – Mohanlal, Sonalee Kulkarni, Katha Nandi, Rajeev Pillai & Hareesh Peradi.#MalaikottaiVaalibanOnHotstar pic.twitter.com/cI3FTGIUnH
— Ott Updates (@Ott_updates) February 19, 2024