Rajinikanth | ‘జైలర్’కి ముందు కొన్నేళ్లుగా తలైవాకు సరైన విజయం లేదు. ఆయన పని అయిపోయిందనే విమర్శలు కూడా వినిపించాయి. అయితే, సూపర్స్టార్కి హిట్ వస్తే, దాని ప్రభావం ఏ స్థాయిలో ఉంటుందో ‘జైలర్’ రుచిచూపించింది. దేశవ్యాప్తంగా ఉన్న రజనీ అభిమానుల ఆకలి తీర్చేసింది ‘జైలర్’. ప్రస్తుతం తన కుమార్తె ఐశ్వర్య దర్శకత్వంలో రూపొందుతున్న ‘లాల్సలామ్’ చిత్రంలో రజనీ నటిస్తున్న విషయం తెలిసిందే. ఈ చిత్రం త్వరలో విడుదల కానుంది. ఇదిలావుంటే.. ‘జైభీమ్’ దర్శకుడు జ్ఞానవేల్ దర్శకత్వంలో ఓ సినిమా చేయనున్నారు తలైవా. ఇది ఆయన 170వ చిత్రం. ‘
వేటైయాన్’ అనే పేరును ఈ సినిమాకు ఖరారు చేశారు. మంగళవారం రజనీకాంత్ పుట్టినరోజు సందర్భంగా టైటిల్తోపాటు ఫస్ట్లుక్ గ్లింప్స్ని కూడా చిత్రబృందం రివీల్ చేశారు. ఇక గ్లింప్స్లో రజనీకాంత్ తనదైన ైస్టెల్లో లాఠీ పట్టుకుని నడుచుకుంటూ రావడం, ైస్టెలిష్గా కళ్లద్దాలు పెట్టుకోవడం.. అనంతరం ‘ఆట మొదలైంది’ అని డైలాగ్ చెప్పడంతో ఈ గ్లింప్ పూర్తయింది. దీన్ని బట్టి ఈ సినిమాలో తలైవా పోలీస్ అధికారిగా కనిపించనున్నట్టు తెలుస్తున్నది. అమితాబ్ బచ్చన్, ఫహాద్ ఫాజిల్, దగ్గుబాటి రానా, మంజు వారియర్, కీలక పాత్రలు పోషిస్తున్న ఈ చిత్రానికి అనిరుథ్ సంగీతం అందించనున్నారు. లైకా ప్రొడక్షన్స్ నిర్మాణంలో ఈ చిత్రం రూపొందనుంది.