మహాకాళిలో రోహిత్‌ సరాఫ్‌

బుల్లితెర ధారావాహికలతో పాటు పలు విజయవంతమైన చిత్రాల్లో క్యారెక్టర్‌ ఆర్టిస్టుగా ఉత్తరాది యువతలో క్రేజ్‌ సంపాదించుకున్నారు రోహిత్‌ సరాఫ్‌. తాజాగా ఆయన డివోషనల్‌ ఫాంటసీ థ్రిల్లర్‌ ‘మహాకాళి’లో కీలక పాత్ర పోషిస్తున్నారు.

బుల్లితెర ధారావాహికలతో పాటు పలు విజయవంతమైన చిత్రాల్లో క్యారెక్టర్‌ ఆర్టిస్టుగా ఉత్తరాది యువతలో క్రేజ్‌ సంపాదించుకున్నారు రోహిత్‌ సరాఫ్‌. తాజాగా ఆయన డివోషనల్‌ ఫాంటసీ థ్రిల్లర్‌ ‘మహాకాళి’లో కీలక పాత్ర పోషిస్తున్నారు. పూజా కొల్లూరు దర్శకత్వంలో ‘హను-మాన్‌’ఫేం ప్రశాంత్‌వర్మ నిర్మిస్తున్న ఈ పాన్‌ ఇండియా ప్రాజెక్ట్‌ నిర్మాణ దశలోనే ఆసక్తిని రేకెత్తిస్తున్నది. అక్షయ్‌ఖన్నా, భూమిశెట్టి కీలక పాత్రల్లో నటిస్తున్నారు. ఇప్పటికే విడుదలైన ప్రచార చిత్రాలు సినిమాపై అంచనాల్ని పెంచాయి.

ప్రశాంత్‌వర్మ సినిమాటిక్‌ యూనివర్స్‌లో భాగంగా భారతీయ ఆధ్యాత్మిక, పౌరాణిక మూలాలతో ముడిపడిన కథాంశంతో ఈ చిత్రాన్ని రూపొందిస్తున్నారు. ప్రస్తుతం హైదరాబాద్‌లో చిత్రీకరణ జరుగుతున్నది. ఇందులో రోహిత్‌ సరాఫ్‌ పాల్గొంటున్నారు. ఈ సినిమాలో భాగం కావడం పట్ల ఆయన ఆనందాన్ని వ్యక్తం చేస్తూ తన సోషల్‌మీడియా ఖాతాలో ఓ పోస్టర్‌ను పంచుకున్నారు.