‘చక్కటి ఉద్యోగం, ప్రాణంగా ప్రేమించిన అమ్మాయితో సంతోషంగా జీవితాన్ని వెళ్లదీస్తుంటాడో పియానో ప్లేయర్. అనుకోకుండా ఓ హత్యకు ప్రత్యక్షసాక్షిగా నిలిచిన అతడి జీవితం ఎలాంటి మలుపులు తిరిగిందో తెలియాలంటే మా సినిమా చూడాల్సిందే’ అంటున్నారు నితిన్. ఆయన హీరోగా నటిస్తున్న చిత్రం ‘మాస్ట్రో’. మేర్లపాక గాంధీ దర్శకుడు. ఎస్.సుధాకర్రెడ్డి, నిఖితారెడ్డి నిర్మిస్తున్నారు. తమన్నా, నభానటేష్ కథానాయికలు. డిస్నీ హాట్స్టార్ ద్వారా త్వరలో ఈ చిత్రం విడుదలకానుంది. ఈ నెల 23న ట్రైలర్ను విడుదలచేయబోతున్నట్లు చిత్రబృందం శుక్రవారం ప్రకటించింది. ఈ మేరకు కొత్త పోస్టర్ను విడుదలచేసింది. నిర్మాతలు మాట్లాడుతూ ‘బ్లాక్ కామెడీ క్రైమ్ థ్రిల్లర్ చిత్రమిది. అంధుడిగా నటించే ఓ పియానో ప్లేయర్ జీవితగమనంలో ఎదురైన సంఘర్షణ ఉత్కంఠను పంచుతుంది’ అని అన్నారు. జిషుసేన్గుప్తా, అనన్య ముఖ్య పాత్రల్లో నటిస్తున్న ఈ చిత్రానికి సంగీతం: మహతి స్వరసాగర్, ఛాయాగ్రహణం: జె.యువరాజ్.