Maa Oori Polimera 2 | ఓటీటీలోకి రాబోతున్న ‘మా ఊరి పొలిమేర 2’.. స్ట్రీమింగ్ ఎందులో అంటే.?

Maa Oori Polimera 2 | మా ఊరి పొలిమేరతో ఓటీటీలో సూపర్ హిట్ కొట్టాడు టాలీవుడ్ క‌మెడియ‌న్ సత్యం రాజేష్. రెండేళ్ల కిందట నేరుగా ఓటీటీలో విడుదలైన ఈ సినిమా ఓటీటీలో పెను సంచలనాలు సృష్టించింది. బ్లాక్‌ మేజిక్‌ కాన్సెప్ట్‌తో తెరకెక్కిన ఈ సినిమాకు ఓటీటీలో వచ్చిన ఆదరణ అంతా ఇంతా కాదు. హాట్‌స్టార్‌లో నేరుగా విడుదలైన ఈ సినిమా కొన్ని రోజుల పాటు ట్రెండింగ్‌లో ఉంది.

Maa Oori Polimera 2 | ‘మా ఊరి పొలిమేర’తో ఓటీటీలో సూపర్ హిట్ కొట్టాడు టాలీవుడ్ క‌మెడియ‌న్ సత్యం రాజేష్. రెండేళ్ల కిందట నేరుగా ఓటీటీలో విడుదలైన ఈ సినిమా ఓటీటీలో పెను సంచలనాలు సృష్టించింది. బ్లాక్‌ మేజిక్‌ కాన్సెప్ట్‌తో తెరకెక్కిన ఈ సినిమాకు ఓటీటీలో వచ్చిన ఆదరణ అంతా ఇంతా కాదు. హాట్‌స్టార్‌లో నేరుగా విడుదలై ఈ సినిమా కొన్ని రోజుల పాటు ట్రెండింగ్‌లో ఉంది. ఇక సత్యం రాజేష్‌ నటనైతే వేరే లెవల్‌. అప్పటివరకు కామెడియన్‌గా మెప్పించిన సత్యం రాజేష్‌ ఈ సినిమాతో ప్రతినాయకుడిగా తనలోని విలక్షణ నటనను చూపించాడు.

తాజాగా ఇదే సినిమాకు ‘మా ఊరి పొలిమేర 2’ అంటూ సీక్వెల్ వ‌చ్చింది. అనీల్ దర్శకత్వం వహించిన ఈ సినిమాలో బాలాదిత్య మరో ప్రధాన పాత్రలో నటించాడు. ఇక నవంబర్ 3వ తేదీన భారీ అంచనాలతో రిలీజైన ఈ సినిమా అంచనాలు మించి కలెక్షన్లు సాధించింది. తొలిరోజే రూ. 3 కోట్ల కలెక్షన్‌లు రాబ‌ట్టిన ఈ సినిమా.. ఇప్ప‌టివ‌ర‌కు ప్రపంచవ్యాప్తంగా రూ.25 కోట్లకు పైగా వసూలు చేసింది. ఇక థియేటర్‌లో అల‌రించిన ఈ చిత్రం తాజాగా ఓటీటీ లాక్ చేసుకుంది.

ప్ర‌ముఖ తెలుగు ఓటీటీ దిగ్గ‌జం ఆహాలో (Maa Oori Polimera 2 on Aha) ఈ సినిమా డిసెంబ‌ర్ 08 నుంచి స్ట్రీమింగ్ కానున్న‌ట్లు మేక‌ర్స్ తెలిపారు. ఇక అనీల్ దర్శకత్వం వహించిన ఈ సినిమాలో బాలాదిత్య మరో ప్రధాన పాత్రలో నటించాడు. డా. కామాక్షి భాస్కర్ల, గెటప్ శ్రీను, రవివర్మ, చిత్రమ్ కీలకపాత్రల్లో నటించారు. శ్రీకృష్ణ క్రియేషన్స్‌ పతాకంపై గౌరీ కృష్ణ ఈ సీక్వెల్‌ను మరింత గ్రాండియర్‌గా రూపొందించాడు.

రా ఇటుగ రా పిడుగులా… Mind-Bending Blockbuster #Polimera2 vachestondi, oohinchani twist la tho on aha on 08 Dec.

24 hours early access to aha Gold subscribers@Satyamrajesh2 #kamakshiBhaskarla @DrAnilviswanath @Connect2vamsi @Gowrkriesna @getupsrinu3 pic.twitter.com/OvFCbbZPNo

— ahavideoin (@ahavideoIN) December 1, 2023

క‌థ‌లోకి వెళితే.. జంగయ్య (బాలాదిత్య) తన అన్న కొమిరి (సత్యం రాజేష్‌).. కవితను చేతబడి చేసి చంపాడని నిజం తెలుసుకున్నట్లు ‘పొలిమేర’ తొలి భాగంలో చూపించిన విష‌యం తెలిసిందే. ఈ సీన్ నుంచే ‘పొలిమేర-2’ కథ మొదలవుతుంది. జాస్తిపల్లి పోలీస్‌స్టేషన్‌కు కొత్తగా వచ్చిన ఎస్సై రవీంద్ర నాయక్‌ కొమిరి కేసును తిరిగి ఓపెన్‌ చేస్తాడు. తన అన్నను చేతబడి నెపంతో హత్య చేశారని కేసు వేసిన జంగయ్య ఆఖరి నిమిషంలో కేసు ఎందుకు వాపసు తీసుకున్నాడు?ఆ తర్వాత నుంచి తనెందుకు కనిపించకుండా పోయాడు? అన్నది రెండో భాగం కథ‌.