ఒకప్పుడు చిన్నా చితకా షోస్ చేసుకుంటూ ప్రేక్షకులని అలరిస్తూ వచ్చిన లోబో రీసెంట్గా బిగ్ బాస్ ఆఫర్ అందుకున్నాడు. సీజన్ 5లో పాల్గొన్న ఆయన తన కామెడీతో హౌజ్మేట్స్ని ఫుల్ ఎంటర్టైన్ చేశాడు. సీక్రెట్ రూంలో ఉన్నా కూడా గేమ్ని మార్చుకోలేక బయటకు వచ్చేశాడు లోబో. బయటకు వచ్చాక మనోడికి సినిమా ఆఫర్స్ కూడా తలుపుతడుతున్నాయి. తాజాగా లోబోకి చిరు సినిమి ఆఫర్ వచ్చినట్టు తెలుస్తుంది.
టీవీ షోలో పాల్గొన్న లోబో చిరంజీవి సినిమా ఆఫర్పై మాట్లాడుతూ కన్నీళ్లు పెట్టుకున్నాడు. ‘ సినిమాలో నాది చిరు సార్ని అంటిపెట్టుకుని ఉండే పాత్ర. మెగాస్టార్ పక్కన నటించడం అంటే తన కల సాకారమైనట్లే’ అని సంబర పడిపోయాడు. దీంతో పాటు ఈ సినిమాకు మెహర్ రమేశ్ తెరకెక్కిస్తున్నాడని చెప్పుకొచ్చాడు. ప్రస్తుతం చిరంజీవి- మెహర్ రమేష్ దర్శకత్వంలోభోళా శంకర్ చిత్రం రూపొందుతున్న విషయం తెలిసిందే.
తమిళ ‘వేదాళం’ తెలుగు రీమేక్గా తెరకెక్కుతోన్న ఈ సినిమాలో తమన్నా హీరోయిన్గా నటిస్తోంది. కీర్తి సురేశ్ చిరు సోదరిగా కనిపించనుంది. ఇటీవలే హైదరాబాద్లో ఈ సినిమా షూటింగ్ ప్రారంభమైంది. రీసెంట్గా యాక్షన్ సన్నివేశాలకి సంబంధించిన షూట్ కూడా పూర్తి చేసినట్టు ఇటీవల మేకర్స్ తెలియజేశారు. ప్రస్తుతం చిరు గాడ్ ఫాదర్, బాబీ సినిమాతో పాటు ఈ సినిమా షూటింగ్లో పాల్గొంటున్నాడు.