శివమెత్తిన చిత్తూరు కుర్రాడు

సక్సెస్‌, ఫెయిల్యూర్స్‌కి అతీతమైన ఇమేజ్‌ అఖిల్‌ది. బీభత్సమైన లేడీ ఫాలోయింగ్‌ అతని సొంతం. మ్యాన్లీగా ఉంటాడు. చక్కగా నటిస్తాడు. కానీ సక్సెస్‌ మాత్రం తనతో దోబూచులాడుతున్నది. అక్కినేని అభిమానులంతా ప్రస్తుతం అఖిల్‌ సక్సెస్‌ కోసం ఆశగా ఎదురుచూస్తున్నారు. మురళీకిషోర్‌ అబ్బూరి దర్శకత్వంలో ‘లెనిన్‌' అనే సినిమా ప్రస్తుతం అఖిల్‌ చేస్తున్నారు.

సక్సెస్‌, ఫెయిల్యూర్స్‌కి అతీతమైన ఇమేజ్‌ అఖిల్‌ది. బీభత్సమైన లేడీ ఫాలోయింగ్‌ అతని సొంతం. మ్యాన్లీగా ఉంటాడు. చక్కగా నటిస్తాడు. కానీ సక్సెస్‌ మాత్రం తనతో దోబూచులాడుతున్నది. అక్కినేని అభిమానులంతా ప్రస్తుతం అఖిల్‌ సక్సెస్‌ కోసం ఆశగా ఎదురుచూస్తున్నారు. మురళీకిషోర్‌ అబ్బూరి దర్శకత్వంలో ‘లెనిన్‌’ అనే సినిమా ప్రస్తుతం అఖిల్‌ చేస్తున్నారు. రాయలసీమ నేపథ్యంలో సాగే ఎమోషనల్‌ ప్రేమకథగా ఈ సినిమా రూపొందుతున్నది. ఇందులో అఖిల్‌ చిత్తూరు కుర్రాడిగా కనిపిస్తారట. దానికోసం కష్టపడి చిత్తూరు మాండలికాన్ని నేర్చుకున్నారట. శ్రీలీల ఇందులో కథానాయిక. ఇప్పటికే ఈ సినిమాకు సంబంధించిన కీలక సన్నివేశాల చిత్రీకరణ చాలా వరకూ పూర్తయింది. వచ్చే వారం నుంచి ఇంటర్వెల్‌ సీక్వెన్స్‌ని షూట్‌ చేయనున్నారు. ఈ సీక్వెన్స్‌ కోసం అన్నపూర్ణ స్టూడియోలో ప్రత్యేకమైన సెట్‌ నిర్మిస్తున్నారట. ఈ షూట్‌ అనంతరం అఖిల్‌పై ఓ పాటను కూడా చిత్రీకరిస్తారట. దసరా కానుకగా సినిమా విడుదల కానుంది. అక్కినేని నాగార్జున, సూర్యదేవర నాగవంశీ ఈ చిత్రానికి నిర్మాతలు.