Visit:
లావణ్య త్రిపాఠి, దేవ్‌మోహన్‌ ప్రధాన పాత్రల్లో నటిస్తున్న చిత్రం ‘సతీ లీలావతి’. తాతినేని సత్య దర్శకత్వం వహిస్తున్న ఈ చిత్రాన్ని ఆనంది ఆర్ట్‌ క్రియేషన్స్‌ సంస్థ నిర్మిస్తున్నది. మంగళవారం టీజర్‌ను విడుదల చేశారు. భార్యభర్తల అనుబంధంతో పాటు వారి మధ్య తలెత్తే గొడవలతో టీజర్‌ హాస్యప్రధానంగా అలరించింది.
వినోదప్రధానంగా సాగే చిత్రమిదని, దంపతుల మధ్య చోటుచేసుకునే గిల్లికజ్జాలు, గొడవలను ఎంటర్‌టైనింగ్‌ వేలో ఆవిష్కరిస్తుందని మేకర్స్‌ తెలిపారు. షూటింగ్‌ పూర్తి చేసుకున్న ఈ చిత్రం ప్రస్తుతం నిర్మాణానంతర కార్యక్రమాలను జరుపుకుంటున్నది. వీకే నరేష్‌, వీటీవీ గణేష్‌, సప్తగిరి తదితరులు నటిస్తున్న ఈ చిత్రానికి సంగీతం: మిక్కీ జే మేయర్‌, నిర్మాణ సంస్థ: దుర్గాదేవి పిక్చర్స్‌, దర్శకత్వం: తాతినేని సత్య.
