Kubera Movie | ధ‌నుష్ ‘కుబేర’ నుంచి ఫస్ట్ సింగిల్ ‘పోయి రా మావా’ రిలీజ్‌

Kubera Movie | త‌మిళ న‌టుడు ధనుష్‌ కథానాయకుడిగా రూపొందుతోన్న తాజా చిత్రం ‘కుబేర’. ఆనంద్‌, గోదావరి, హ్యాపీడేస్‌, ఫిదా, వంటి క్లాసిక్ సినిమాలు తీసిన శేఖర్‌ కమ్ముల ఈ సినిమాకు ద‌ర్శ‌క‌త్వం వ‌హిస్తున్నాడు.

Kubera Movie | త‌మిళ న‌టుడు ధనుష్‌ కథానాయకుడిగా రూపొందుతోన్న తాజా చిత్రం ‘కుబేర’. ఆనంద్‌, గోదావరి, హ్యాపీడేస్‌, ఫిదా, వంటి క్లాసిక్ సినిమాలు తీసిన శేఖర్‌ కమ్ముల ఈ సినిమాకు ద‌ర్శ‌క‌త్వం వ‌హిస్తున్నాడు. రష్మిక మందన్న కథానాయికగా న‌టిస్తుండ‌గా.. టాలీవుడ్ అగ్ర న‌టుడు అక్కినేని నాగార్జున కీల‌క పాత్ర‌లో ఈ సినిమాలో న‌టిస్తున్నాడు. ఈ సినిమాను జూన్ 20న విడుద‌ల చేయ‌నున్న‌ట్లు చిత్ర‌బృందం ప్ర‌క‌టించింది. ఈ సంద‌ర్భంగా ప్ర‌మోష‌న్స్ స్టార్ట్ చేసింది చిత్ర‌యూనిట్. ఇప్ప‌టికే మూవీ నుంచి వ‌రుస అప్‌డేట్‌ల‌ను పంచుకున్న చిత్ర‌బృందం తాజాగా ఫ‌స్ట్ సింగిల్‌ను పంచుకుంది.

ఈ మూవీ నుంచి ఫ‌స్ట్ సింగిల్ ‘పోయి రా మావా’ అంటూ సాగే ఈ పాటను ధ‌నుష్ పాడ‌గా.. భాస్కర్‌ భట్ల లిరిక్స్ రాశారు. దేవిశ్రీ ప్రసాద్ సంగీతం అందించారు. ప్ర‌స్తుతం వైర‌ల‌వుతున్న ఈ పాట‌ను మీరు కూడా చూసేయండి. ముంబై బ్యాక్‌డ్రాప్‌లో ఈ సినిమా రాబోతుంది. ధ‌నుష్ ఇందులో బిచ్చ‌గాడి పాత్ర‌ల్లో క‌నిపించ‌నుండ‌గా.. నాగార్జున బిజినెస్ టైకున్ పాత్ర‌లో మెర‌వ‌బోతున్నాడు. ఏషియ‌న్ సినిమాస్ అధినేత సునీల్‌ నారంగ్, పుస్కుర్‌ రామ్మోహన్‌రావుతో కలిసి ఈ సినిమాను సంయుక్తంగా నిర్మిస్తున్నాడు.