అమ్మాయి గురించి చెప్పాలంటే..

‘ఆ అమ్మాయి గురించి మీకు చెప్పాలి’ సినిమా సెట్స్‌లో మంగళవారం తన జన్మదిన వేడుకల్ని జరుపుకున్నది కథానాయిక కృతిశెట్టి. సుధీర్‌బాబు హీరోగా నటిస్తున్న ఈ చిత్రానికి మోహనకృష్ణ ఇంద్రగంటి దర్శకుడు. బి.మహేంద్రబాబు, కిరణ్‌ బల్లపల్లి నిర్మిస్తున్నారు. ప్రస్తుతం హైదరాబాద్‌లో చిత్రీకరణ జరుగుతున్నది. ఓ స్టూడియోలో వేసిన ప్రత్యేక సెట్‌లో నాయకానాయికలపై పాటను తెరకెక్కిస్తున్నారు. నిర్మాతలు మాట్లాడుతూ ‘రొమాంటిక్‌ డ్రామాగా రూపొందుతున్న చిత్రమిది. అందమైన అమ్మాయి గురించి సాగించిన అన్వేషణలో ఓ యువకుడు తెలుసుకున్న సత్యాలేమిటన్నది ఆసక్తికరంగా ఉంటుంది’ అని తెలిపారు. అవసరాల శ్రీనివాస్‌, వెన్నెల కిషోర్‌ ముఖ్య పాత్రల్లో నటిస్తున్న ఈ చిత్రానికి సంగీతం: వివేక్‌ సాగర్‌, సాహిత్యం: సిరివెన్నెల సీతారామశాస్త్రి.