Ranga Ranga Vaibhavanga | ఉప్పెన ‘జ‌ల‌పాతం’ సాంగ్‌ను గుర్తు చేస్తున్న ‘కొత్తగా లేదేంటి’ వీడియో సాంగ్‌..!

Kothaga Ledenti  Video Song | ‘ఉప్పెన’ సినిమాతో ఇండ‌స్ట్రీలోకి గ్రాండ్ ఎంట్రీ ఇచ్చాడు వైష్ణ‌వ్ తేజ్. మొద‌టి సినిమాతోనే అత్య‌ధిక ఓపెనింగ్స్ రాబ‌ట్టిన డెబ్యూ హీరోగా రికార్డు సృష్టించాడు. అంతేకాకుండా ఈ సినిమాతో 100కోట్ల క్ల‌బ్‌లోకి అడుగుపెట్టాడు. ఈ సినిమా త‌ర్వాత భారీ అంచ‌నాల‌తో వ‌చ్చిన ‘కొండ‌పొలం’ తీవ్రంగా నిరాశ‌ప‌రిచింది. ఇక ప్ర‌స్తుతం వైష్ణ‌వ్ తేజ్ ‘రంగ‌రంగ వైభవంగా’ సినిమాతో ప్రేక్ష‌కుల‌ను ప‌లక‌రించడానికి సిద్ధ‌మయ్యాడు. గిరీశ‌య్య ద‌ర్శ‌క‌త్వం వ‌హించిన ఈ చిత్రం సెప్టెంబ‌ర్ 2న విడుద‌ల కానుంది. ఇప్ప‌టికే చిత్రం నుండి విడుద‌లైన పాట‌లు, ట్రైల‌ర్‌ సినిమాపై విప‌రీత‌మైన అంచ‌నాల‌ను క్రియేట్ చేశాయి. తాజాగా మేక‌ర్స్ ఈ సినిమాలోని ‘కొత్త‌గా లేదేంటి’ వీడియో సాంగ్‌ను విడుద‌ల చేశారు.

ఇప్ప‌టికే విడుద‌లైన ‘కొత్త‌గా లేదేంటి’ ఆడియో సాంగ్‌కు శ్రోత‌ల నుండి విశేషమైన స్పంద‌న వ‌చ్చింది. కాగా తాజాగా మేక‌ర్స్ వీడియో సాంగ్‌ను విడుద‌ల చేశారు. వైష్ణ‌వ్ తేజ్‌, కేతిక శ‌ర్మ కెమిస్ట్రీ బాగా కుదిరిన‌ట్లు క‌నిపిస్తుంది. దేవీ శ్రీ ప్ర‌సాద్ స్వ‌ర ప‌రిచిన ఈ పాట‌ను శ్రీమ‌ణి ర‌చించ‌గా.. ఆర్మాన్ మాలిక్‌, హ‌రి ప్రియ ఆలపించారు. ఈ చిత్రంలో వైష్ణ‌వ్ తేజ్‌కు జోడీగా కేతికశ‌ర్మ హీరోయిన్‌గా న‌టించింది. శ్రీ వెంక‌టేశ్వ‌రా సినీ చిత్ర బ్యాన‌ర్‌పై బీవీఎస్ఎన్ ప్ర‌సాద్ ఈ చిత్రాన్ని నిర్మించాడు.