మీసాలు ఎందుకు తీశారు?

ఆనంద్‌ రవి కథానాయకుడిగా నటిస్తున్న చిత్రం ‘కోరమీను’. ‘స్టోరీ ఆఫ్‌ ఇగోస్‌' అనేది ఉపశీర్షిక. శ్రీపతి కర్రి దర్శకుడు. పెళ్లకూరు సమన్యరెడ్డి నిర్మాత.

ఆనంద్‌ రవి కథానాయకుడిగా నటిస్తున్న చిత్రం ‘కోరమీను’. ‘స్టోరీ ఆఫ్‌ ఇగోస్‌’ అనేది ఉపశీర్షిక. శ్రీపతి కర్రి దర్శకుడు. పెళ్లకూరు సమన్యరెడ్డి నిర్మాత. ఈ చిత్రం టీజర్‌ను దర్శకుడు గోపీచంద్‌ మలినేని సోషల్‌మీడియా ద్వారా విడుదల చేశారు. దర్శకుడు మాట్లాడుతూ ‘ జాలరీపేట అనే మత్స్యకారుల కాలనీకి కొత్తగా వచ్చిన మీసాల రాజు మీసాలు ఎవరు తీసేశారనేది ఆసక్తికరంగా వుంటుంది.

ఓ డ్రైవర్‌, డబ్బు, అహంకారం వున్న అతని యజమాని, వైజాగ్‌లో శక్తివంతమైన పోలీస్‌, ఈ ముగ్గురి పాత్రల చుట్టూ కథ తిరుగుతుంది. మంచి కంటెంట్‌తో వస్తున్న చిత్రమిది. అందరికి నచ్చుతుంది. టీజర్‌కు మంచి స్పందన వస్తున్నది చిత్రం కూడా అందర్ని అలరిస్తుందనే నమ్మకం వుంది’ అన్నారు. హరీష్‌ ఉత్తమన్‌, శత్రు, రాజారవీంద్ర తదితరులు ముఖ్యపాత్రల్లో నటిస్తున్న ఈ చిత్రానికి ఎగ్జిక్యూటివ్‌ నిర్మాత: పవన్‌కుమార్‌ జనస్వామి.