మాస్‌ ‘మీటర్‌’

కిరణ్‌ అబ్బవరం హీరోగా రూపొందుతున్న తాజా చిత్రం ‘మీటర్‌'. రమేష్‌ కాదూరి దర్శకుడు. ప్రముఖ నిర్మాణ సంస్థలు క్లాప్‌ ఎంటర్‌టైన్‌మెంట్‌, మైత్రీమూవీ మేకర్స్‌ ఈ చిత్రాన్ని సంయుక్తంగా నిర్మిస్తున్నాయి. నవీన్‌ ఎర్నేని, రవిశంకర్‌ యలమంచిలి సమర్పణలో చిరంజీవి (చెర్రీ), హేమలత పెదమల్లు నిర్మిస్తున్నారు.

కిరణ్‌ అబ్బవరం హీరోగా రూపొందుతున్న తాజా చిత్రం ‘మీటర్‌’. రమేష్‌ కాదూరి దర్శకుడు. ప్రముఖ నిర్మాణ సంస్థలు క్లాప్‌ ఎంటర్‌టైన్‌మెంట్‌, మైత్రీమూవీ మేకర్స్‌ ఈ చిత్రాన్ని సంయుక్తంగా నిర్మిస్తున్నాయి. నవీన్‌ ఎర్నేని, రవిశంకర్‌ యలమంచిలి సమర్పణలో చిరంజీవి (చెర్రీ), హేమలత పెదమల్లు నిర్మిస్తున్నారు. శుక్రవారం కథానాయకుడి పుట్టినరోజు సందర్భంగా ‘మీటర్‌’ చిత్రం ఫస్ట్‌లుక్‌ పోస్టర్‌తో పాటు మోషన్‌ పోస్టర్‌ను కూడా విడుదల చేసింది చిత్రబృందం.

ఈ ఫస్ట్‌లుక్‌లో కలర్‌ఫుల్‌ షర్ట్‌తో.. ఫుల్‌మాసివ్‌ లుక్‌తో కనిపిస్తున్నాడు కథానాయకుడు కిరణ్‌. ఈ లుక్‌తో పాటు టైటిల్‌ కూడా అందరిలోనూ ఆసక్తిని కలిగిస్తుంది. మోషన్‌పోస్టర్‌కు సాయి కార్తీక్‌ అందించిన మాసివ్‌ బ్యాగ్రౌండ్‌ స్కోర్‌ చూస్తుంటే ఇది పక్కా కమర్షియల్‌ పైసా వసూల్‌ చిత్రంగా అనిపిస్తుంది. ఈ చిత్రం కిరణ్‌ అబ్బవరం ఇమేజ్‌ను రెట్టింపు చేసే విధంగా వుంటుందని చెబుతుంది చిత్రబృందం. అతుల్య రవి నాయికగా నటిస్తున్న ఈ చిత్రానికి సంగీతం: సాయికార్తీక్‌, సంభాషణలు: రమేష్‌ కాదూరి, సూర్య, డీఓపీ: వెంకట్‌.సి.దిలీప్‌, లైన్‌ ప్రొడ్యూసర్‌: అలేఖ్య పెదమల్లు, ఎగ్జిక్యూటివ్‌ ప్రొడ్యూసర్‌ : బాబాసాయి, చీఫ్‌ ఎగ్జిక్యూటివ్‌ ప్రొడ్యూసర్‌: బాల సుబ్రమణ్యం కెవీవీ.

రూల్స్‌ రంజన్‌ ఫస్ట్‌ లుక్‌

కిరణ్‌ అబ్బవరం నటించిన రూల్స్‌ రంజన్‌ సినిమా నుంచి ఫస్ట్‌ లుక్‌ పోస్టర్‌ను విడుదల చేశారు. ఈ చిత్రంలో నేహాశెట్టి నాయిక. ఈ చిత్రాన్ని దర్శకుడు రత్నం కృష్ణ రూపొందిస్తున్నారు. ఏ.ఎం. రత్నం సమర్పణలో దివ్యాంగ్‌ లవానియా, వి. మురళీకృష్ణ సంయుక్తంగా నిర్మిస్తున్నారు. ప్రస్తుతం రెగ్యులర్‌ చిత్రీకరణలో ఉందీ సినిమా.