Kiran Abbavaram | ‘రియాలిటీ’లో రఘుకుల తిలక పాట.. రూమర్స్‌పై క్లారిటీ ఇచ్చిన కిరణ్ అబ్బవరం

Kiran Abbavaram | టాలీవుడ్ యంగ్ హీరో కిరణ్ అబ్బవరం ప్రస్తుతం తన కొత్త సినిమా ‘రియాలిటీ’తో ప్రేక్షకుల ముందుకు వచ్చేందుకు సిద్ధమవుతున్నారు. ఈ సినిమాకు సంబంధించిన పోస్టర్లు ఇప్పటికే ప్రేక్షకుల్లో ఆసక్తిని పెంచాయి. అయితే సినిమా ప్రకటించినప్పటి నుంచి దీనిపై పలు ఆసక్తికరమైన వార్తలు, రూమర్స్ సోషల్ మీడియాలో చక్కర్లు కొడుతున్నాయి.

Kiran Abbavaram | టాలీవుడ్ యంగ్ హీరో కిరణ్ అబ్బవరం ప్రస్తుతం తన కొత్త సినిమా ‘రియాలిటీ’తో ప్రేక్షకుల ముందుకు వచ్చేందుకు సిద్ధమవుతున్నారు. ఈ సినిమాకు సంబంధించిన పోస్టర్లు ఇప్పటికే ప్రేక్షకుల్లో ఆసక్తిని పెంచాయి. అయితే సినిమా ప్రకటించినప్పటి నుంచి దీనిపై పలు ఆసక్తికరమైన వార్తలు, రూమర్స్ సోషల్ మీడియాలో చక్కర్లు కొడుతున్నాయి. ముఖ్యంగా ఈ చిత్రంలో ‘రఘుకుల తిలక’ అనే ఆధ్యాత్మిక గీతం ఉండబోతోందనే ప్రచారం జోరుగా సాగుతోంది. తాజాగా ఈ వార్తలపై కిరణ్ అబ్బవరం స్వయంగా స్పందించి క్లారిటీ ఇచ్చారు. అంతేకాకుండా సినిమా గురించి పలు ఆసక్తికర విషయాలను వెల్లడించారు.

‘రియాలిటీ’ సినిమా నుంచి ఇప్పటికే విడుదలైన ‘భజే గోవిందం’ పాటకు మంచి స్పందన వచ్చింది. తాజాగా చిత్ర బృందం ‘రుత్తూ’ అనే మరో పాటను విడుదల చేసింది. ఈ సందర్భంగా నిర్వహించిన కార్యక్రమంలో కిరణ్ అబ్బవరం మాట్లాడుతూ.. సినిమాలో ‘రఘుకుల తిలక’ పాట ఉండబోతుందనే విషయాన్ని ధృవీకరించారు. ఈ పాట తన వ్యక్తిగత ఎంపిక అని, సినిమాకు ఇది ప్రత్యేక ఆకర్షణగా నిలుస్తుందని తెలిపారు. తాను ఆంజనేయ స్వామికి వీరాభిమానినని కిరణ్ పేర్కొన్నారు. అందుకే తన తొలి దర్శకత్వ ప్రయత్నమైన ఈ సినిమాలో తనకు ఎంతో ఇష్టమైన ఆధ్యాత్మిక గీతం ఉండాలని బలంగా కోరుకున్నట్లు చెప్పారు. ‘రఘుకుల తిలక’ పాటను తాను ఎప్పుడూ వింటుంటానని, తన మనసులో ఆ పాటకు ప్రత్యేకమైన స్థానం ఉందని వెల్లడించారు. ఈ పాటకు మరింత ప్రత్యేకత తీసుకురావాలనే ఉద్దేశంతో ఒరిజినల్ కంపోజర్లు, గాయకులతోనే మళ్లీ పాడించినట్లు తెలిపారు. ప్రేక్షకులు కూడా ఈ పాటను ఆదరిస్తారని ఆశాభావం వ్యక్తం చేశారు.

ఇప్పటికే ‘రియాలిటీ’ సినిమాలోని ‘భజే గోవిందం’ పాట ప్రేక్షకుల్లో మంచి గుర్తింపు తెచ్చుకుంది. అయితే ఈ పాట కోసం కొత్త రచయితకు అవకాశం ఇవ్వడం వెనుక ఓ ఆసక్తికరమైన కథ ఉందని కిరణ్ అబ్బవరం వెల్లడించారు.తాను నిర్మించిన ‘తిమ్మరాజుపల్లి’ సినిమాకు ఆ యువకుడు రచయితగా పనిచేశాడని, అప్పుడే అతడి రచనా ప్రతిభ తనకు బాగా నచ్చిందని చెప్పారు. ‘భజే గోవిందం’ పాట ట్యూన్ సిద్ధమైన తర్వాత కొత్త రచయితకు అవకాశం ఇస్తే ఎలా ఉంటుందనే ఆలోచన వచ్చిందన్నారు. అతడి జీవితంలో ఎదురైన కష్టాలు, అనుభవాలు, భావోద్వేగాలను పాటలో ఎలా వ్యక్తపరుస్తాడో చూడాలని భావించినట్లు తెలిపారు. సంగీత దర్శకుడు బీమ్స్ సిసిరోలియో కూడా ఈ ఆలోచనను ప్రోత్సహించారని కిరణ్ వెల్లడించారు. ఈ సినిమాను డిసెంబర్ 25న క్రిస్మస్ కానుకగా ప్రేక్షకుల ముందుకు తీసుకురానున్నట్లు ప్రకటించారు.