ప్రత్యేక శక్తులున్న స్త్రీ కథ

జ్యోతి పూర్వాజ్‌, పూర్వాజ్‌ లీడ్‌రోల్స్‌ చేసిన థ్రిల్లర్‌ మూవీ ‘కిల్లర్‌'. పూర్వాజ్‌ స్వీయ దర్శకత్వంలో ఎ.పద్మనాభరెడ్డితో కలిసి నిర్మించిన ఈ చిత్రం ఈనెల 30న ప్రపంచవ్యాప్తంగా విడుదల కానున్నది.

జ్యోతి పూర్వాజ్‌, పూర్వాజ్‌ లీడ్‌రోల్స్‌ చేసిన థ్రిల్లర్‌ మూవీ ‘కిల్లర్‌’. పూర్వాజ్‌ స్వీయ దర్శకత్వంలో ఎ.పద్మనాభరెడ్డితో కలిసి నిర్మించిన ఈ చిత్రం ఈనెల 30న ప్రపంచవ్యాప్తంగా విడుదల కానున్నది. ఈ సందర్భంగా ఈ సినిమా ట్రైలర్‌ రిలీజ్‌ ఈవెంట్‌ని హైదరాబాద్‌లో నిర్వహించారు. ప్రముఖ దర్శకుడు హరీష్‌శంకర్‌ ట్రైలర్‌ని విడుదల చేశారు. ‘జ్యోతి పూర్వాజ్‌ ఇందులో విభిన్నమైన పాత్రల్లో కనిపిస్తారు. ప్రత్యేక శక్తులున్న మహిళగా ఇందులో ఆమె పాత్ర సాగుతుంది. ఆమె ఎవరు? అంటూ సాగే పోలీస్‌ ఇన్వెస్టిగేషన్‌ ఆసక్తికరంగా ఉంటుంది.

2024, 25, 26.. ఈ మూడేళ్ల నేపథ్యంతో మూడు డిఫరెంట్‌ లేయర్లతో కథ సాగుతుంది. ఇంటర్వెల్‌ బ్యాంగ్‌ సినిమాకు హైలైట్‌. ఇలాంటి సినిమా ఇప్పటివరకూ ఇండియన్‌ స్క్రీన్‌పై రాలేదు’ అని దర్శకనిర్మాత, నటుడు పూర్వాజ్‌ తెలిపారు. ఇలాంటి వినూత్నమైన సినిమాను తీసిన పూర్వాజ్‌ను చూస్తుంటే గర్వంగా ఉందని జ్యోతిపూర్వాజ్‌ అన్నారు. ఇంకా మరో నిర్మాత పద్మనాభరెడ్డి, నటుడు గౌతమ్‌ చక్రధర్‌ కొప్పిశెట్టి, డీవోపీ జగదీశ్‌ బొమ్మిశెట్టి, ఎడిటర్‌ బి.మనోజ్‌కుమార్‌ కూడా మాట్లాడారు.