Kichcha Sudeep | పదేళ్ల తర్వాత మెగాఫోన్‌ పట్టనున్న కిచ్చా సుదీప్‌..!

Kichcha Sudeep | పుష్కర కాలం కిందట వచ్చిన రక్త చరిత్ర సినిమాతో తొలిసారి తెలుగు ప్రేక్షకులకు పరిచయమయ్యాడు కిచ్చా సుదీప్‌. ఆ తర్వాత ఈగతో దగ్గరయ్యాడు. ఇక బాహుబలి, సైరా వంటి సినిమాల్లో నటించి ఇక్కడ కూడా మంచి మార్కెట్‌ను క్రియేట్‌ చేసుకున్నాడు.

Kichcha Sudeep | పుష్కర కాలం కిందట వచ్చిన రక్త చరిత్ర సినిమాతో తొలిసారి తెలుగు ప్రేక్షకులకు పరిచయమయ్యాడు కిచ్చా సుదీప్‌. ఆ తర్వాత ఈగతో దగ్గరయ్యాడు. ఇక బాహుబలి, సైరా వంటి సినిమాల్లో నటించి ఇక్కడ కూడా మంచి మార్కెట్‌ను క్రియేట్‌ చేసుకున్నాడు. ఆ మధ్యన రిలీజైన విక్రాంత్‌ రోణ ఇక్కడ కూడా సూపర్ డూపర్‌ హిట్టయింది. ఇక ఇదిలా ఉంటే కిచ్చా సుదీప్‌ పదేళ్ల తర్వాత మళ్లీ మెగా ఫోన్‌ పట్టబోతున్నాడు. పాన్‌ ఇండియా లెవల్లో తెరకెక్కబోయే ఈ సినిమా షూటింగ్‌ను వచ్చే ఏడాది ప్రారంభించనున్నట్లు ఓ స్పెషల్ వీడియోతో చిత్రబృందం వెల్లడించింది.

ఉరుముతున్న మేఘాలను చూపిస్తూ దేవుడు క్షమిస్తాడు, నేను క్షమించను అంటూ అనౌన్స్‌మెంట్‌ వీడియోను రిలీజ్‌ చేశారు. ముఖ్యంగా బ్యాక్‌గ్రౌండ్‌ మ్యూజిక్‌ వేరే లెవల్లో ఉంది. కేఆర్‌ స్టూడియోస్‌ నిర్మిస్తున్న ఈ సినిమాలో హీరో కూడా సుదీప్‌ కిచ్చానే. చివరగా సుదీప్‌ మాణక్య అనే యాక్షన్‌ సినిమాకు దర్శకత్వం వహించాడు. ఈ సినిమా అప్పట్లో బంపర్‌ హిట్టుగా నిలిచింది. ఇక ఇప్పటివరకు సుదీప్‌ ఆరు సినిమాలకు దర్శకత్వం వహించాడు. ఆ ఆరు సినిమాలు బాక్సాఫీస్‌ దగ్గర మంచి హిట్లుగానే నిలిచాయి.

ప్రస్తుతం కిచ్చా సుదీప్‌ మాక్స్‌ సినిమాతో పాటు కబ్జా-2 చేస్తున్నాడు. శనివారం సుదీప్‌ బర్త్‌డే సందర్భంగా రిలీజైన మాక్స్‌ టీజర్‌ వీర లెవల్లో ఉంది. కన్నడతో పాటు తమిళంలోనూ ఈ సినిమా రూపొందుతుంది. తొలి పార్టులో గెస్ట్‌ అప్పియరెన్స్‌ ఇచ్చిన సుదీప్‌.. సెకండ్‌ పార్ట్‌లో మేయిన్‌ రోల్‌లో నటించనున్నాడట.

Happy birthday sir ❤️❤️@KicchaSudeep
ನಿಮ್ಮ ಯಶಸ್ಸಿನ ಪ್ರಯಾಣ ಹೀಗೆ ನಮಗೆ ಸ್ಫೂರ್ತಿಯಾಗಲಿ! pic.twitter.com/FEE6DqzJId

— Sathish Ninasam (@SathishNinasam) September 2, 2023