Kiara Advani | రెండో ప్రెగ్నెన్సీ జోష్.. వెకేషన్ ఫొటోలతో మెరిసిపోతున్న కియారా అద్వానీ!

KiaraAdvani | బాలీవుడ్ స్టార్ కపుల్ సిద్ధార్థ్ మల్హోత్రా, కియారా అద్వానీ ఇటీవల తమ రెండో ప్రెగ్నెన్సీ గురించిన శుభవార్తను అభిమానులతో పంచుకున్న విషయం తెలిసిందే.

Kiara Advani | బాలీవుడ్ స్టార్ కపుల్ సిద్ధార్థ్ మల్హోత్రా, కియారా అద్వానీ ఇటీవల తమ రెండో ప్రెగ్నెన్సీ గురించిన శుభవార్తను అభిమానులతో పంచుకున్న విషయం తెలిసిందే. ఈ ప్రకటన వచ్చిన కొద్ది రోజులకే కియారా తన భర్త సిద్ధార్థ్, కూతురు సారాయాతో కలిసి వెళ్ళిన హాలిడే ఫొటోలను సోషల్ మీడియాలో షేర్ చేశారు. ఈ చిత్రాలలో కియారా ముఖంలో కనిపిస్తున్న ‘మామా గ్లో’ నెటిజన్లను ఎంతగానో ఆకట్టుకుంటోంది. ఈ వెకేషన్‌లో భాగంగా స్విమ్మింగ్ పూల్ దగ్గర సూర్యరశ్మిని ఆస్వాదిస్తూ, లేక్స్‌, కొండల మధ్య ప్రశాంతంగా గడుపుతున్న క్షణాలను ఆమె సోష‌ల్ మీడియాలో పంచుకున్నారు.

పాప గోప్యతను దృష్టిలో ఉంచుకుని కియారా దంపతులు తమ కూతురి ముఖం కనిపించకుండా జాగ్రత్తపడుతున్నారు. ఇక అక్టోబర్ 7న కియారా, సిద్ధార్థ్ తమ మొదటి బిడ్డ సారాయా పుట్టిన కొద్ది నెలలకే రెండో సంతానం కోసం ఎదురుచూస్తున్నట్లు ప్రకటించి అందరికీ సర్‌ప్రైజ్ ఇచ్చారు. గతంలో ఒక ఇంటర్వ్యూలో మాట్లాడిన కియారా, మాతృత్వం తనను వ్యక్తిగతంగా ఎంతో మార్చిందని, ప్రతి నిర్ణయం తీసుకునేటప్పుడు తన కూతురు గురించే ఎక్కువగా ఆలోచిస్తానని తెలిపారు. సినిమాల విషయానికి వస్తే, మాతృత్వం తర్వాత కూడా ఆమె తన ప్రొఫెషనల్ లైఫ్‌ను బ్యాలెన్స్ చేస్తూ, యష్‌తో కలిసి ‘టాక్సిక్’ చిత్రంలో కీలక పాత్రలో నటించి మెప్పించారు.