‘కేజీఎఫ్‌’ సంగీత దర్శకుడి ‘శాసనసభ’

కేజీఎఫ్‌, కేజీఎఫ్‌-2 చిత్రాలతో సంగీత దర్శకుడిగా అంతర్జాతీయ స్థాయిలో గుర్తింపు పొందారు రవి బస్రూర్‌. ఆయన సంగీతాన్ని అందిస్తున్న మరో పాన్‌ ఇండియా చిత్రం ‘శాసనసభ’. ఇంద్రసేన, ఐశ్వర్యరాజ్‌ జంటగా సీనియర్‌ నటుడు డా.రాజేంద్రప్రసాద్‌, సోనియా అగర్వాల్‌, పృథ్వీరాజ్‌ ముఖ్య పాత్రల్లో నటిస్తున్నారు.

కేజీఎఫ్‌, కేజీఎఫ్‌-2 చిత్రాలతో సంగీత దర్శకుడిగా అంతర్జాతీయ స్థాయిలో గుర్తింపు పొందారు రవి బస్రూర్‌. ఆయన సంగీతాన్ని అందిస్తున్న మరో పాన్‌ ఇండియా చిత్రం ‘శాసనసభ’. ఇంద్రసేన, ఐశ్వర్యరాజ్‌ జంటగా సీనియర్‌ నటుడు డా.రాజేంద్రప్రసాద్‌, సోనియా అగర్వాల్‌, పృథ్వీరాజ్‌ ముఖ్య పాత్రల్లో నటిస్తున్నారు. తెలుగు, హిందీ, తమిళ, మలయాళ, కన్నడ భాషల్లో తెరకెక్కుతున్న ఈ చిత్రానికి వేణు మడికంటి దర్శకుడు.

తులసీరామ్‌ సాప్పని, షణ్ముగం సాప్పనిలు సాబ్రో ప్రొడక్షన్స్‌ పతాకంపై నిర్మిస్తున్నారు. ప్రస్తుతం ఈ చిత్రానికి సంబంధించిన సంగీత, నేపథ్యసంగీతం పనుల్లో సంగీత దర్శకుడు రవిబస్రూర్‌ బిజీగా వున్నారు. నిర్మాత షణ్ముగం సాప్పని మాట్లాడుతూ..‘పాన్‌ ఇండియా సినిమాగా రూపొందుతున్న పొలిటికల్‌ థ్రిల్లర్‌ ఇది. ఈ చిత్రానికి రవిబస్రూర్‌ అందిస్తున్న సంగీతం, నేపథ్యసంగీతం మెయిన్‌ పిల్లర్‌గా వుంటుంది. ఆయన చూపిస్తున్న ప్రత్యేక శ్రద్ధతో అద్బుతంగా అవుట్‌పుట్‌ వచ్చింది. త్వరలోనే విడుదల తేదీని ప్రకటిస్తాం’ అన్నారు.