కీర్తిసురేశ్ తెలుగు సినిమాలకు బ్రేక్ ఇచ్చేసి వరుసగా తమిళ సినిమాలు చేస్తూ బిజీగా ఉన్నది. త్వరలోనే ఆమె నటించిన ‘రఘు తాతా’ సినిమా విడుదల కానుంది. సుమన్కుమార్ దర్శకత్వంలో రూపొందిన ఈ చిత్రం పూర్తిస్థాయి కామెడీ సినిమా అని తెలుస్తున్నది. ఈ సినిమాకు సంబంధించిన గ్లింప్స్ని ఈ రోజు విడుదల చేశారు. ఇందులో కీర్తిసురేశ్ ఎయిటీస్లోని అమ్మాయిలా కనిపిస్తున్నది.
‘మహానటి’ సినిమాలో సావిత్రిగా పాత లుక్లో కనిపించిన కీర్తి సురేశ్ మరోసారి 80దశకం నాటి లుక్లో కనిపించడం ఆసక్తిని కలిగిస్తున్న అంశం. త్వరలో విడుదల కానున్న ఈ సినిమా గురించి కీర్తి సురేశ్ మాట్లాడుతూ ‘ నా కెరీర్లో ‘రఘు తాతా’ ప్రత్యేకమైన సినిమా.
ఇందులో నేను కొత్తగా కనిపిస్తా. అవుట్ అండ్ అవుట్ కామెడీ సినిమా ఇది. ఇందులో దైవదర్శిని కేరక్టర్ హైలైట్గా నిలుస్తుంది. ఆమెతో నా సీన్స్ కడుపుబ్బా నవ్విస్తాయి. కేజీఎఫ్, కాంతారా, సలార్ చిత్రాలను నిర్మించిన హోంబలే ఫిలిమ్స్ పేషన్తో తీసిన చిన్న సినిమా ఇది. ఆ సంస్థకు డబ్బులు, మాకు మంచి పేరు తెచ్చే పెట్టే సినిమా అవుతుంది’ అంటూ నమ్మకం వ్యక్తం చేసింది కీర్తిసురేశ్.