Viruman Movie On OTT | కథా బలమున్న సినిమాలను చేస్తూ అటు కోలీవుడ్లో ఇటు టాలీవుడ్లో మంచి గుర్తింపు తెచ్చుకుంటున్నాడు కార్తి. ఇటీవలే ఈయన నటించిన ‘విరుమన్’ విడుదలై సంచలన విజయం సాధించింది. కార్తి కెరీర్లోనే హైయెస్ట్ ఓపెనింగ్స్ రాబట్టిన సినిమాగా విరుమన్ మూవీ నిలిచింది. ఈ చిత్రానికి ముత్తయ్య దర్శకత్వం వహించాడు. కాగా ఈ చిత్రం కేవలం తమిళంలోనే విడుదలయింది. ‘యుగానికి ఒక్కడు’ సినిమా నుండి దాదాపు కార్తి నటించిన అన్ని సినిమాలు తెలుగులో కూడా రిలీజ్ అయ్యాయి. అయితే కొన్ని కారణాల వల్ల ఈ సినిమా తెలుగులో విడుదల కాలేదు. ఈ క్రమంలో తాజాగా ఈ చిత్రాన్ని ఓటీటీలో తెలుగు వెర్షన్ను రిలీజ్ చేశారు.
‘విరుమన్’ చిత్ర హక్కులను అమెజాన్ సంస్థ దక్కించుకుంది. కాగా ఈ సినిమా తమిళ వెర్షన్ సెప్టెంబర్ 11నుండి స్ట్రీమింగ్ అవగా.. తాజాగా అమెజాన్ తెలుగు వెర్షన్ను కూడా రిలీజ్ చేసింది. ఈ చిత్రానికి తెలుగులో పసలపూడి వీరబాబు పేరుతో స్ట్రీమింగ్ అవుతుంది. ఈ చిత్రంలో కార్తికు జోడీగా డైరెక్టర్ శంకర్ కుమార్తే అధితి శంకర్ హీరోయిన్గా నటించింది. 2డీ ఎంటర్టైనమెంట్స్ పతాకంపై సూర్య, జ్యోతిక ఈ చిత్రాన్ని నిర్మించారు. విలేజ్ బ్యాక్ డ్రాప్లో తెరకెక్కిన ఈ చిత్రం బాక్సాఫీస్ దగ్గర 60కోట్లకు పైగా వసూళ్ సాధించింది. ప్రస్తుతం కార్తి కీలకపాత్రలో నటించిన పొన్నియన్ సెల్వన్ రిసెంట్గా విడుదలై పాజిటీవ్ టాక్ తెచ్చుకుంది. ఇక ఈయన నటించిన స్పై యాక్షన్ థ్రిల్లర్ సర్దార్ దీపావళి కానుకగా ప్రేక్షకుల ముందుకు రానుంది.