Sardar Movie | కార్తి ‘సర్దార్‌’ ఫస్ట్‌ సింగిల్‌ డేట్‌ వచ్చేసింది.. రిలీజ్‌ ఎప్పుడంటే?

Sardar First Single | తమిళ హీరో కార్తి వరుసగా సినిమాలను చేస్తూ బిజీ బిజీగా గడుపుతున్నాడు. ఇటీవలే ఈయన నటించిన 'విరుమన్‌' విడుదలై ఘన విజయం సాధించింది. కార్తి కెరీర్‌లోనే బిగ్గెస్ట్‌ హిట్‌గా నిలిచింది. ఇక ఇటీవలే 'విరుమన్' తెలుగు వెర్షన్‌ అమెజాన్‌ ప్రైమ్‌లో విడుదలైంది. కార్తి ప్రస్తుతం మూడు సినిమాలను సెట్స్‌పైన ఉంచాడు. అందులో 'సర్దార్' ఒకటి.

Sardar First Single | తమిళ హీరో కార్తి వరుసగా సినిమాలను చేస్తూ బిజీ బిజీగా గడుపుతున్నాడు. ఇటీవలే ఈయన నటించిన ‘విరుమన్‌’ విడుదలై ఘన విజయం సాధించింది. కార్తి కెరీర్‌లోనే బిగ్గెస్ట్‌ హిట్‌గా నిలిచింది. ఇక ఇటీవలే ‘విరుమన్’ తెలుగు వెర్షన్‌ అమెజాన్‌ ప్రైమ్‌లో విడుదలైంది. కార్తి ప్రస్తుతం మూడు సినిమాలను సెట్స్‌పైన ఉంచాడు. అందులో ‘సర్దార్’ ఒకటి. ‘అభిమ‌న్యుడు’ ఫేం పీఎస్‌.మిత్ర‌న్ ఈ చిత్రానికి దర్శకత్వం వహించాడు. ఇప్పటికే చిత్రం నుండి విడుదలైన పోస్టర్‌లు, టీజర్ సినిమాపై విపరీతమైన అంచనాలు క్రియేట్‌ చేశాయి. యాక్షన్ థ్రిల్లర్‌ నేపథ్యంలో తెరకెక్కిన ఈ చిత్రం దీపావళి కానుకగా విడుదల కానుంది. ఈ క్రమంలో మేకర్స్ వరుస అప్‌డేట్‌లను ప్రకటిస్తూ సినిమాపై అంచనాలను క్రియేట్‌ చేస్తున్నారు. తాజాగా మేకర్స్‌ మరో అప్‌డేట్‌ను ప్రకటించారు.

ఈ చిత్రంలోని ఫస్ట్‌ సింగిల్ రిలీజ్‌ డేట్‌ను మేకర్స్ తాజాగా ప్రకటించారు. ‘సేనాధిపతి నేనే’ అంటూ సాగే పాటను సోమవారం సాయంత్రం 5గంటలకు రిలీజ్‌ చేయనున్నట్లు మేకర్స్ వెల్లడించారు. అంతేకాకుండా ఓ పోస్టర్‌ను కూడా విడుదల చేశారు. ఈ పోస్టర్‌లో కార్తి కిరీటం ధరించి మెడలో పూలమాలతో విభిన్న గెటప్‌లో ఉన్నాడు. జీవి ప్రకాష్ ఈ చిత్రానికి స్వరకర్తగా పనిచేస్తున్నాడు. ఈ చిత్రంలో కార్తి డ్యూయల్‌ రోల్‌లో కనిపించనున్నాడు. కార్తికి జోడీగా రాశిఖన్నా, రజిషా విజయన్‌ హీరోయిన్లుగా నటించారు. లైలా, చంకీ పాండే కీలకపాత్రలు పోషించారు. తమిళంతో పాటు తెలుగులోనూ ఈ చిత్రం ఏకకాలంలో విడుదల కానుంది. తెలుగులో ఈ చిత్రాన్ని అన్నపూర్ణ స్డూడీయోస్‌ సంస్థ విడుదల చేస్తుంది.

https://twitter.com/AnnapurnaStdios/status/1578983927381118976?s=20&t=cy-7j1s3CmcB7nHvDGF43A